A Mariña 27-9-18. A Asociación de Persoas con Discapacidade A Mariña-COGAMI ten en marcha un programa de Desenvolvemento Integral para Persoas con Discapacidade da Mariña Lucense, co que pretende potenciar todo tipo de capacidades das persoas con discapacidade mariñás. Neste programa participan 15 persoas con discapacidade procedentes dos concellos de Viveiro, Xove, Burela e Foz.
A través deste programa, que se desenvolverá ata finais de 2018, promóvese a adquisición e mellora de habilidades sociais, formativas e prelaborais, así como tamén se imparten programas e técnicas que favorezan a habilitación funcional da persoa, reducindo a incidencia da discapacidade. Ademais de potenciar as capacidades tanto cognitivas como intelectuais, tamén se traballa a inserción social, as relacións interpersoais e o mantemento e recuperación fisioterapéutico.
Este proxecto de Desenvolvemento Integral para Persoas con Discapacidade da Mariña Lucense é posible coa financiación de 12.000 euros procedentes da convocatoria de subvencións da Xunta de Galicia a través dos fondos do 0,7% do IRPF da declaración da renda, procedentes das persoas contribuíntes que marcaron o cadro de “Actividades de interese Xeral consideradas de interese social”.
Entre as accións que se desenvolven, están as dirixidas á formación e capacitación a través da recuperación e o mantemento físico e funcional. Trabállase tamén o mantemento do rendemento cognitivo a través da lectura, escritura, cálculo, atención, a orientación espacial e temporal e tamén realizando saídas culturais a bibliotecas e museos. Ademais, o proxecto de desenvolvemento integral imparte obradoiros prelaborais de comprensión, forma en novas tecnoloxías de informática e mellora a autonomía persoal ofrecendo servizos de apoio
Todas as actividades que se levan a cabo no centro de recursos de Palmeiro que ten en Xove A Mariña-COGAMI teñen como finalidade mellorar a calidade de vida das persoas con discapacidade da comarca.
Asociación A Mariña-COGAMI
É unha organización non gubernamental constituída no ano 1989 para coordinar e promover a defensa dos intereses das persoas con discapacidade de A Mariña para acadar a máxima atención social á problemática que representan e a súa total integración na sociedade.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
