Lugo, 19 de setembro de 2018. O Deputado de Innovación, Pablo Rivera Capón, presentou este mércores en San Marcos a nova web da Deputación (http://www.deputacionlugo.gal/), máis atractiva, fácil de usar e accesible, pois está deseñada por e para os cidadáns e veciños da provincia. Así o avanzou Rivera Capón, quen subliñou que “trátase dunha páxina moito máis visual, máis dinámica e moderna, na que a imaxe ten moita máis importancia. Ademais, é máis fácil, práctica e usable, pois o usuario pode facer procuras directamente pensando nos temas que lle interesan, sen necesidade de saber a que Área de Goberno ten que dirixirse. Polo tanto, está pensada por e para mellorar a experiencia de uso dos cidadáns”.
Rivera Capón engadiu que “tamén facilitamos o contacto cos diferentes departamentos, a través dun formulario e un directorio telefónico, para poder resolver calquera tipo de dúbida aos usuarios; e facilitamos a xestión de trámites online coa Deputación, habilitando un acceso directo tanto á sede electrónica, como ao Rexistro Electrónico. Por outra banda, cómpre subliñar que a nova web é responsive, é dicir, adaptada aos dispositivos móbiles, e absolutamente todo o contido está dispoñible nas dúas linguas oficiais: galego e castelán. Así mesmo, toda a páxina está indexada, así como os Boletíns Oficiais, o que permitirá realizar procuras máis áxiles por contidos”.
O Deputado de Innovación avanzou que “ademais, desde a web institucional, accederase a nova web de cultura (http://cultura.deputacionlugo.gal) e á web de turismo (http://turismo.deputacionlugo.gal). A primeira conta con varias visitas virtuais a espazos de interese como os museos provincias; mentres que a de turismo permite descubrir múltiples recunchos da provincia, facilitando a súa localización, a través de mapas interactivos conectados con Google Maps”.
Novas seccións da web
A nova páxina da Deputación inclúe as seguintes seccións:
– Un encabezado no que a novidade máis destacada é a nova imaxe corporativa, cun logotipo oficial máis moderno e visualmente atractivo, xunto ao que aparece o menú principal.
– Unha sección na que están destacadas as ligazóns a aquelas cuestións ou apartados que son visitados ou consultados con máis frecuencia
– Unha parte dedicada ás noticias da Deputación na que a imaxe ten maior protagonismo que antes.
– Unha sección de banners coas ligazóns de interese, máis actuais, que se van renovando.
– Unha parte de Axenda, na que figuran todos os eventos relacionados coa Deputación (actos de axenda institucional, exposicións, concertos, etc.) que contan con cores distintivas que os asocian aos diferentes temas (cultura, turismo, benestar social, por exemplo).
– Finalmente tamén se poden ver as últimas publicacións das redes sociais da Deputación, sen prexuízo de que no menú principal figuren as ligazóns ás mesmas.
Páxinas provinciais de turismo e cultura
A web de turismo (http://turismo.deputacionlugo.gal) conta cos seguintes apartados:
– O turismo, que mantén a estrutura xeral da web, pero con contido propio.
– Coñece: toda a información turística da provincia.
– Desfruta: como o seu nome indica, onde se ofrecen plans para gozar da provincia, (turismo de naturalez, gastronómico, de aventura, en familia, etcétera).
Todo iso non só con información, senón con mapas interactivos, fotografías, ligazóns de interese, etcétera.
Pola súa parte, a través da web de cultura (http://cultura.deputacionlugo.gal) o usuario poderá ter información completa tanto do Centro de Artesanía e Deseño, como da Rede Museística. E mesmo poderá facer visitas virtuais en 360º e coñecer, por exemplo, o interior do Pazo de Tor ou de calquera dos obradoiros do CentrAD.
Outras características da nova páxina
A nova web institucional da Deputación ten os seguintes obxectivos e características:
– Máis visual e intuitiva. Traballouse no aspecto gráfico, buscando unha web máis moderna e visual.
– Orientada ao usuario. Traballouse na usabilidade da web, organizando a información por áreas e por temas de interese, o que facilita a interacción e a consulta da información.
– Dinámica e áxil. Destacáronse os elementos máis habituais e relevantes como ligazóns destacadas, e redeseñáronse os accesos directos en forma de banners.
– Responsive e adaptada. A web adáptase aos diferentes dispositivos: computadores, tablets ou móbiles.
– Interactiva. O obxectivo é fomentar a participación e dotar á web de interacción, así existe un módulo de consulta e outro de enquisas, e tamén se crearon mapas interactivos xeorreferenciados e galerías multimedia. Doutra banda, ponténciase a vinculación e interacción coas redes sociais, sendo unha parte destacada da web.
– Rápida e robusta. A páxina será máis rápida e será máis tolerante a fallos.
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
