8 de outubro, 2018. O portavoz adxunto no Senado, José Manuel Barreiro, acompañado dos senadores pola provincia Fernando Carlos Rodríguez e Gerardo Criado e a presidenta provincial, Elena Candia, anunciou este luns que o Grupo do PP preguntará no Senado ao Goberno de Sánchez polo que leva feito en materia de infraestruturas tendo en conta as partidas orzamentarias que o Executivo de Mariano Rajoy deixara consignadas como “mostra do seu compromiso con Lugo”.
Ante a visita do ministro de Fomento a Galicia “que non resolveu as dúbidas dos lucenses”; os senadores populares da provincia queren coñecer “cuestións concretas” sobre as comunicacións de Lugo con Santiago a través da A-54, con Ourense e Chantada a través da A-56 ou sobre o avance da A-74 na Mariña e o sistema de protección antinéboa na A-8. Así mesmo, tamén en materia de infraestruturas os populares preguntarán na Cámara Alta se o Goberno manterá o compromiso do anterior Executivo popular coa chegada da alta velocidade a Lugo para o 2021; así coma para a construción dunha nova Comisaría de Policía no terreos do antigo hospital.
Os populares levarán así ao Senado todos os compromisos asumidos nos Orzamentos aprobados polo Goberno do PP cos votos en contra do PSOE. “O que asumira Mariano Rajoy para este ano nos Orzamentos Xerais do Estado xa o coñecemos, pero queremos saber se o Goberno de Pedro Sánchez fixo algo ao respecto”, explicou Barreiro, porque “senón, temos que interpretar que non fixo nada”.
Actualidade política
O Grupo Popular no Senado tamén presentará outras iniciativas ao Pleno desta semana. Unha delas, tal e como destacou o portavoz adxunto, será sobre “a situación que vive Cataluña e que está dexenerando a medida que pasa o tempo ante a pasividade cando non complicidade do Goberno que está a pagar as consecuencias da investidura de Pedro Sánchez”. Ante esta “preocupante situación”, os populares queren coñecer a postura do Executivo de Pedro Sánchez e reitéranlle a oferta da maioría absoluta do PP no Senado para adoptar unha medida que xa levaran a cabo os populares: a aplicación do artigo 155 como Pablo Casado dixo que, se fose presidente, aplicaría ante esta “grave situación que se vive en Cataluña de falta de respecto á legalidade vixente”.
Desaceleración económica e liberdade de expresión
Os populares dirixiranse á ministra de Economía para trasladarlles a súa preocupación ante a preocupante desaceleración económica que está a vivir o país con respecto aos países do noso entorno” e, sobre todo, porque os populares están a detectar que “o Goberno de Sánchez “mira para o outro lado”. Igualmente, o Grupo do PP cuestionará no Pleno ante o Executivo a programación da televisión pública que en días pasados incluíu certa información sobre unha persoa “que ten cometido delitos que atentan contra a estrutura do Estado”.
Traballo dos populares de Lugo
A presidenta do PP de Lugo, Elena Candia, aproveitou a ocasión para agradecer o traballo dos senadores populares como “garantes da execución dos compromisos económicos en relación a aspectos importantes para a provincia que o Partido Popular recollera nos orzamentos deste ano”.
Tal é así que a información facilitada no día de hoxe por José Manuel Barreiro responde á petición da presidenta de que os representantes do PP noutras administracións dean conta periodicamente do traballo que están a levar a cabo.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
