Santiago de Compostela, 17 de outubro de 2018.- O presidente do Goberno galego, Alberto Núñez Feijóo, reunirase esta semana co presidente do Principado de Asturias, Javier Fernández, para actuar de forma coordinada na defensa dos traballadores de Alcoa na Coruña e Avilés tras coñecerse a intención da empresa de pechar estas dúas factorías.
Durante unha conversa telefónica que ambos os dous presidentes autonómicos mantiveron esta mañá, concretaron un encontro no que avaliarán unha folla de ruta conxunta para afrontar esta situación e solicitarán a implicación do Goberno central para tentar que a multinacional reconsidere a súa posición.
Neste senso, Feijóo destacou que, aínda que é certo que o prezo da enerxía en España prexudica a competitividade das empresas electrointensivas, ao longo dos últimos anos sempre se atopou unha solución. Por exemplo, os Presupostos Xerais do Estado de 2018 inclúen unha partida para este tipo de empresas electrointensivas, entre elas Alcoa, co obxectivo de que poidan compensar os resultados da poxa de 2018.
O presidente da Xunta destacou que tanto o conselleiro de Economía como o seu homólogo do Principado de Asturias xa se puxeron en contacto co Ministerio de Industria e co Ministerio para a Transición Ecolóxica para coñecer as propostas que se contemplan neste asunto, e que se está pendente da súa resposta.
O titular do Goberno galego insistiu en que “é unha mala noticia para Galicia e para Asturias e tamén para España” e recordou que o Goberno galego segue a defender unha reforma seria do sistema eléctrico para garantir a competitividade e o futuro da industria e dos empregos asociados. Neste sentido, puxo de manifesto que o actual Goberno central segue sen establecer o mecanismo que empregará o ano que vén para o sistema de interrompibilidade.
En consecuencia, e ante a decisión comunicada por Alcoa, considerou que se debe avaliar este asunto de forma urxente entre as distintas administracións para velar de xeito prioritario polos intereses dos traballadores destas plantas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.