Lugo, 20 de novembro de 2018. A Xunta de Galicia proporcionará catro vehículos todoterreo aos concellos de Cervantes, Lourenzá, Negueira de Muñiz e Xove, e catro remolques de emerxencias aos de Meira, Ribadeo, Viveiro e Xermade, equipamento que suma un investimento de 204.200 euros.
O delegado territorial da Xunta en Lugo, José Manuel Balseiro, sinalou que o Goberno galego fai un especial esforzo por dotar de equipamento axeitado aos servizos de emerxencias, “especialmente nos municipios rurais, nos que a orografía e a dispersión poboacional fan máis importante se cabe o coñecemento do medio para acadar un maior grao de seguridade e eficacia”.
Balseiro explicou que este equipamento responde ao programa da Vicepresidencia e Consellería de Presidencia, Administracións Públicas e Xustiza para mellorar o equipamento de emerxencias dos concellos de menos de 50000 habitantes que teñen Agrupacións de Voluntarios de Protección Civil. Dende o ano 2015, engadiu, investíronse máis de 10 millóns de euros en material para as agrupacións de Galicia, como vehículos, embarcacións, equipos de excarceración ou desfibriladores, entre outros.
Nesta ocasión, distribúense 15 vehículos tipo pick up e 20 remolques de emerxencias no conxunto da comunidade. Os remolques están equipados con elementos como electrobomba somerxible, motobomba para augas residuais, xerador de electricidade portátil de gasolina, motoserra, rozadora manual, torre de iluminación e kit de balizamento e sinalización; polo seu tamaño, están pensados para poder circular por vías estreitas.
Balseiro explicou que a Xunta optimiza os recursos e os orzamentos ao adquirir este equipamento a través dun contrato de subministro por lotes, e cede aos concellos este material a través dunha convocatoria de axudas en concorrencia competitiva na que cada peticionario pode solicitar un equipamento por lote atendendo ás súas necesidades.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.