Burela, 26 de novembro de 2018. A Concellería de Medio Ambiente, que dirixe Noelia Mª Ben, celebrou do 17 ao 25 de novembro a Semana Europea da Prevención de Residuos con varias actividades como a realización de talleres ou a instalación dunha mesa informativa para concienciar á poboación sobre a necesidade de reciclar e reducir o lixo que se xera a diario.
A edil contou que “realizamos dous talleres de cociña con sobras cos usuarios da Fundación Eu Son, en concreto elaboramos torradas aproveitando o pan duro. E tamén tivemos unha mesa informativa, na que repartimos dípticos que baixo o lema Menos residuos=máis recursos, dando unha serie de consellos para reducir o lixo que xeramos no día a día, ademais de diversos contos coa temática da reciclaxe, todo este material foinos enviado por Sogama, ao que lle temos que agradecer a súa colaboración. Na mesa informativa aproveitamos para pasarlles un cuestionario a todos os veciños e veciñas que se achegaron, co fin de coñecer un pouco máis os costumes en canto ao tipo de lixo que xeran, onde o depositan, uso do punto limpo, desperdicio de comida…”.
Noelia Mª Ben engadiu que “o que observamos ao respecto foi que a gran maioría da xente está moi concienciada sobre a perigosidade das pilas, no respecto a que contaminan moito, e que as depositan correctamente nos mini colectores que hai en diferentes edificios públicos. Pero non o están tanto no referente ás bombillas, xa que a maioría das persoas as depositan no contedor do vidro ou no xenérico, descoñecendo a maioría que deben facer con elas. O mesmo pasa cos botes de pintura, xa que poucas foran as persoas que afirmaron levalos ao punto limpo, unha vez estaban baleiros. Outro dos puntos débiles que observamos foi o referido ao aceite doméstico usado, xa que aínda quedan moitas persoas que o tiran polo fregadeiro e non dan uso dos contedores que temos na rúa. A maioría das persoas que se achegaron afirmaron que separaban os residuos no fogar, pero seguen tendo moitas dúbidas do que teñen que depositar en cada contedor. Consideramos que imos polo bo camiño, pero temos que seguir realizando campañas informativas a este respecto”.
En Burela remataron as actividades da Semana Europea da Prevención de Residuos, que organizou a Concellería de Medio Ambiente do 17 ao 25 de novembro
Relacionado
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
