Santiago de Compostela, 15 de Novembro 2018.- A deputada por Lugo Olalla Rodil trasladou ao Parlamento as irregularidades denunciadas por Adega e Mariña Patrimonio sobre as actuacións levadas a cabo polo servizo de Patrimonio da Xunta en relación ao Castro das Flores situado entre os concellos de Lourenzá e Mondoñedo que, pese a estar catalogado como ben cultural, non recibiu a protección que lle correspondía.
Rodil considera moi grave que a entidade que debería ter velado pola preservación deste ben cultural actuase xusto en dirección contraria para favorecer os intereses económicos dunha canteira.
“Pido luz e taquígrafos sobre o que está a acontecer na servizo de Patrimonio de Lugo, se vai asumirse a algún tipo de responsabilidade se finalmente se corroboran as sospeitas pola actuación irregular deste servizo que incluso pretendeu saltarse os protocolos establecidos para descatalogar este ben patrimonial”, explicou a deputada na Comisión de Cultura.
Tamén fixo referencia ao feito de que se lle permitise á empresa que explota a canteira incumprir a súa obriga de protexer o castro para evitar que fose danado durante o desenvolvemento da súa actividade económica.
“Malia a existencia desde o ano 2000 de informes arqueolóxicos que advirten da protección que lle corresponde por estar inventariado e catalogado, e das denuncias realizadas en 2008, 2016 e 2017, o Servizo de Patrimonio de Lugo non só non actuou para evitar o avance da canteira senón que en 2016 propuxo excluír o Castro das Flores, de maneira ilegal e torticeira, do Inventario Xeral de Xacementos Arqueolóxicos”, denunciou.
“Só hai que ver as fotos aéreas para darse conta que a explotación mineira sobrepasou os límites da concesión autorizada, e o que ao BNG lle sorprende é que fixeran falta tantos anos e diversas denuncias, que fixera falta chegar á Fiscalía para que a Dirección Xeral de Patrimonio actuase”
Para a deputada nacionalista, “non pode ser que de maneira reiterada e continua se estean arquivando denuncias cando se achega documentación que acredita que se está danando o patrimonio arqueolóxico deste país”, recalcou Rodil, quen preguntou se desde a Xunta se vai abrir algún tipo de investigación interna sobre a actuación do servizo de Patrimonio de Lugo e se vai asumir algún tipo de responsabilidade política á espera do que ditamine a Fiscalía.
Desde a Xunta, a directora xeral de Patrimonio, Carmen Martínez Insua, limitouse a defender a actuación desenvolvida polo servizo de Patrimonio, aínda que recoñeceu que había aberto un expediente de dilixencias informativas sobre a actuación do servizo de Patrimonio en Lugo en relación ao Castro das Flores.
Trátase dun castro situado entre os concellos de Lourenzá e Mondoñedo, incluído no inventario de Xacementos arqueolóxicos desde 1991 e catalogado desde 1995 (BOP) que foi destruído na súa práctica totalidade pola empresa propietaria dunha canteira situada nos límites do castro.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
