Viveiro 13, maio, 2019. O candidato do PP á Alcaldía de Viveiro, Óscar Rodríguez, deu a coñecer esta mañá as principais liñas mestras do seu programa electoral, “centrado en Viveiro” e que, segundo di, aproveita e pon en valor o potencial dunha cidade “con futuro”.
Óscar Rodríguez defende que se trata dun “contrato serio e non dun cúmulo de promesas inventadas ou creadas para estas eleccións”. O popular asegura que “é un proxecto para unha cidade con moitas oportunidades, co que buscamos aproveitar os recursos que ofrece, revalorizalos e crear algún novo para xerar emprego, dinamizar economicamente Viveiro e afincar poboación”.
Dende o Concello débense ofrecer mecanismos en positivo “para a industria, o emprego, o comercio e, por suposto, o turismo”, precisa o alcaldable. O candidato engade que “temos a obriga de facer máis cómodo o día a día dos veciños e veciñas actuando no noso urbanismo e nos recursos esenciais como é o abastecemento de auga, sen esquecernos nunca de desenvolver medidas dirixidas ao benestar das familias e dos nosos maiores”.
Medio cento de medidas ‘Centradas en Viveiro’
O programa co que Óscar Rodríguez concorre ás eleccións do próximo 26 de maio na localidade conta con medio cento de medidas que se agrupan en nove bloques temáticos. O popular compromete accións nos eidos da industria, o emprego e o comercio, tamén no urbanismo e avogan por unha “cultura viva” e por un turismo “accesible”. Ademais poñen en valor a necesidade de promover medidas por “un Viveiro sostible”.
O programa tamén recolle propostas para un “Concello activo e saudable” e para mellorar o benestar social, “sempre pensando tamén nos maiores, para os que promoveremos novas accións moi necesarias e demandadas”. De igual modo, para o candidato popular “o rural conta”, polo que “desenvolveremos iniciativas dirixidas ás nosas parroquias”.
Presentación do programa
O alcaldable está a dar a coñecer o seu programa á cidadanía. Ademais do contacto directo veciño a veciño, Óscar Rodríguez explicará as súas propostas de Goberno en encontros sectoriais.
Nesta liña, mañá, ás 20.30 horas, o candidato á Alcaldía de Viveiro manterá un unha xuntanza cos profesionais vencellados ao comercio e á artesanía. No acto participará a directora Xeral de Comercio, Sol Vázquez Abel. Terá lugar na Sala Multiusos do Conservatorio da cidade. No marco deste encontro, analizaranse, polo tanto, de xeito conxunto as medidas de futuro para “abrir camiños e lograr unha cidade viva”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
