Ribadeo, 27 de agosto de 2019. O Concello de Ribadeo asinou este mediodía un convenio de colaboración coa Xunta de Galicia para o financiamento das obras de remodelación do campo de xogo do estadio municipal Pepe Barrera. O alcalde en funcións de Ribadeo, Pablo Vizoso, agradece a achega da administración autonómica, que so supón o 10% do montante total da obra, arredor de 46.000 euros. Vizoso lembrou que a Deputación aporta 150.000 euros e o Concello 220.000 euros.
Vizoso declarou que “desde o Concello de Ribadeo, en relación coas obras de remodelación do estadio municipal Pepe Barrera, queremos manifestar en primeiro lugar, o noso agradecemento á Xunta pola súa achega económica segundo o convenio que acabamos de asinar. Por outro lado, como integrante da Corporación Municipal e tamén do equipo de goberno, consideramos que esta cantidade podía e debía ser máis elevada, sobre todo tendo en conta as circunstancias específicas do caso e ademais tendo en conta que se trata da Xunta de Galicia, que é unha administración de carácter superior e que precisamente ostenta as competencias en materia deportiva, sobre todo en promoción do deporte”.
O rexedor en funcións engadiu que “se atendemos aos montantes económicos resulta que esta achega da Xunta, que é de 46.200 euros, ven supoñer un 10% do custe total do proxecto de remodelación do campo de xogo, que se financia grazas tamén a outra cantidade de 150.000 euros que achega a Deputación e o resto, máis de 220.000 euros, a cargo de fondos propios aportados directamente polo Concello de Ribadeo, o que supón para unha institución como esta un enorme esforzo”.
Pablo Vizoso subliñou que “en calquera caso, insisto unha vez máis, que queremos agradecer á Xunta a súa achega e a súa colaboración e desexamos seguir colaborando dunha maneira moi estreita en novos convenios polo futuro e polo ben de Ribadeo”.
Pola súa banda o edil de Deportes, Jorge Díaz, subliñou que as obras no Pepe Barrera marchan a bo ritmo e que a previsión é que estean rematadas a principios do vindeiro ano 2020.
Foi Pablo Vizoso, como alcalde en funcións, o encargado de asinar o convenio xunto ao secretario xeral para o Deporte da Xunta, José Ramón Lete. Ambos visitaron este mediodía as instalacións.
O Concello de Ribadeo asinou este mediodía un convenio de colaboración coa Xunta de Galicia para o financiamento das obras de remodelación do campo de xogo do estadio municipal Pepe Barrera
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
