Xove, 12 de novembro, 2019. O acto que será o venres ás 20:30 será presentado polo alcalde José Demetrio Salgueiro, a continuación a axente de emprego e desenvolvemento local dará a coñecer as accións que compoñen a campaña chamada “Míranos. Emprendemento e Comercio Local” para dar paso a dúas emprendedoras que exporán a propia experiencia emprendedora e empresarial: Nieves Medina de Conservas Artesanas Curricán (emprendedora local) fará a súa intervención que leva por título: Tradición e Innovación no local e Elena Ferro de Eferro (emprendedora invitada) falará de emprender e dignificar dende o local.
A este evento porá música o Grupo Vocal SondeNós que interpretará as pezas do seu traballo Identidade.
No acto presentarase a campaña de Nadal que o Concello organiza para este ano e que consiste na entrega dun papel de envoltorio deseñado polo debuxante Primitivo Marcos para que utilicen todos os comercios que o desexen ofrecendo así unha imaxe conxunta nos agasallos de Nadal (este papel de envoltorio foi realizado con subvención de Xunta de Galicia ao abeiro do programa Xove emprende en galego); por outra banda presentarase o Concurso de escaparatismo deste Nadal.
O evento estará presidido por un escaparate conxunto que se instalará para a ocasión con produtos e servizos de todos os comercios e negocios que quixeron mostrar todas as posibilidades que ofrecen para agasallar neste Nadal comprando en Xove.
Nieves Medina é unha das promotoras de Conservas Artesanas Curricán, un obradoiro de elaboración artesanal de conservas de produtos pesqueiros situado no Parque Empresarial de Xove. Acaba de recibir un dos Premios de Excelencia á Innovación para Mulleres Rurais, concedidos polo Ministerio de Agricultura, Pesca e Alimentación e que foi entregado o 16 de outubro pola vicepresidenta do goberno en funcións Carmen Calvo.
Conservas Artesanas Curricán é unha Iniciativa Local de Emprego apoiada polo Concello de Xove, que empezou a súa andadura en 2012 e que se transformou nunha empresa consolidada creando emprego e aportando valor engadido aos produtos da pesca local. Unha das súas claves de éxito é a continua aposta pola innovación en canto a diversificación e presentación de novos produtos, formas de comercialización, formalización de sinérxias con colectivos de produtoras, promoción dos seus produtos,…
Elena Ferro é unha emprendedora que, desde un obradoiro artesán familiar de zocos situado en Merza, unha pequena aldea rural, reinventou o calzado tradicional que pasou de ser un produto menosprezado a ser un artigo de moda, chegando a calzar a noivas e ser protagonista de pasarelas e escenarios. A emprendedora utilizou a innovación para deseñar zocos atractivos e tamén novas formas de comercialización. A súa empresa está seleccionada como unha das finalista dos Premios Nacionais de Artesanía que se entregarán o próximo 4 de decembro en Madrid pola Ministra de Industria, Comercio e Turismo en funcións, Reyes Maroto.
SondeNós, é un grupo vocal formado recentemente en Viveiro pero que xa ten actuado en diferentes localidades dentro e fóra de Galicia e de España. Na súa actuación de Xove interpretará as pezas do seu traballo Identidade.
Primitivo Marcos é historietista e debuxante de Viveiro que ademais de deseñar un amplo número de carteis conta entre as súas obras con bandas deseñadas como Aventura no camiño de Santiago (El Patito editorial) e a serie Os Fernández (Suplementos Golfiño e Galimatías).
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
