Ribadeo, 12 de novembro de 2019. A Asociación de Profesores de Automoción de Galicia (APAGA) poñerá en marcha no mes de xaneiro de 2020 unha plataforma de formación online para impartir a súa formación. APAGA continuará este sábado, 16 de novembro, coas súas fins de semana tecnolóxicas cun curso de diagnose con osciloscopio. Ademais o día 20 de decembro organizará outro sobre aplicación de pintura no automóbil.
O presidente de APAGA, Álvaro Doural, anunciou que “seguindo co ciclo de formación das fins de semana tecnolóxicas este próximo sábado, día 16, imos ter un curso de diagnose utilizando o osciloscopio, que é unha técnica bastante avanzada. Van participar principalmente profesores. Son quince prazas que están cubertas. Neste momento xa está en marcha outro curso que se fará a finais de xaneiro precisamente pola gran demanda que tivo este, para dar resposta ás necesidades formativas e ás solicitudes da xente, tanto de técnicos de empresa como profesores”.
Doural contou que “tamén se vai facer outro curso o 21 de decembro sobre aplicación de pintura nos automóbiles, que é moi interesante e moi demandado, dado a gran necesidade que hai neste momento especialmente de pintores nas empresas da Mariña. Poderase acceder ao curso a través da nosa web, do correo electrónico da asociación que é apagaribadeo@gmail.com ou ben do teléfono 639 88 49 45. Despois nosoutros nos poñemos en contacto co interesado e iniciamos o proceso de solicitude e matrícula no curso”.
O presidente de APAGA subliñou que “a partir de xaneiro de 2020 tamén se vai poñer en marcha unha plataforma online para realizar principalmente este tipo de cursos e potencialos máis. Toda a parte que é conceptual deste cursos que se están dando as fins de semana, que son oito horas, sería online. É unha nova experiencia na que a asociación vai investir toda unha serie de recursos humanos e económicos para poñer en marcha esa plataforma que dará resposta a outro tipo de demandas. Vai ir enlazada co proxecto europeo sobre vehículo eléctrico que se iniciou a semana pasada en Zagreb, no cal se van colocar aí tamén todos os produtos que se van elaborar”.
Álvaro Doural dixo: “pensamos que é un camiño que se pon en marcha neste momento e que vai ter, esperemos, resposta porque imos intentar poñer produtos de alta calidade. Estes cursos de fin de semana están tendo unha gran acollida pola súa calidade, temos uns relatores moi bos, cunha gran experiencia laboral e unha excelente formación. Entón a novidade de 2020, entre outros proxectos que se están aí esperando, vai ser a nova plataforma de formación que empezará a funcionar a partir do mes de xaneiro”.
APAGA poñerá en marcha a partir de xaneiro unha plataforma de formación online. A asociación continúa este sábado coas súas fins de semana tecnolóxicas
Relacionado
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
