Un novo venres de concentración por unhas pensións dignas en Barreiros

 Barreiros, 28 de decembro, 2019. Deuse lectura e iste texto:
Rematamos o ano igual ca o empezamos, sen goberno, con moita cuestións que afectan a Galicia e á economía galega sen solucións, e entre elas a que mais nos importa: sen solucións para as nosas pensións, as que están á cola no Estado, e sen que os que tenen a responsabilidade de formar goberno teñan asumido ainda, e decidido poñer no papel aquelo que é básico para que o sistema público de pensións teña futuro, como é a derrogación das reformas laborais, porque é o Estado español o responsable da situación da precariedade das pensións das galegas e dos galegos.
O goberno en funcións celebra hoxe o último Consello de Ministros do 2019, e levan na orde do día o tema das pensións para estudiar unha posible subida.

Tede en conta que se este tema vai ao consello de ministros é tamén polas nosas mobilizacións, non só en Barreiros e na Mariña, senón en todo o país e no conxunto do Estado.
Tede en conta tamén o que dixemos aquí en mais dunha ocasión, que o Banco Central Europeo, en comandita coas grandes entidades finacieiras europeas e o gran capital, atacan continuamente, e ponen en dúbida a viabilidade do sistema público de pensións, e son tamén os responsables, polas presións exercidas, das reformas laborais que aquí precarizaron o emprego empobrecendo os salarios e poñendo en perigo as pensións, restándolles poder adquisitivo.

A proposta que vai sacar adiante hoxe o goberno en funcións desde logo que non vai ser a solución, pois a proposta que saquen vai ir na liña do Plan Presupostario enviado a Bruxelas, pois é Bruxelas, a Unión Europea, e as corporacións fiancieiras que a controlan, quenes dirixen a política económica do Estado Español.

Sempre decimos que non imos permitir que nos engañen ou nos tomen o pelo, pois xa dixemos aquí en mais dunha ocasión como desde un organismo coma o Banco de España ofrecen datos que non se corresponden coa realidade, co único fin de xustificar que desde o goberno non se suban as pensións nas cuantías que deberán facelo. E en días pasados tamén vimos como difundían en medios de comunicación datos terxiversados sobre as pensións galegas, e chegaban a decir que a seguridade social é deficitaria en Galicia por culpa das pensións.
Hai que ter moita cara e moi pouca vergoña para insinuar esto, e decírnolo a nós, aos pensionistas galegos, que temos as pensión mais baixas do Estado.

Non nos cansaremos de decir que o problema para a Seguridade Social e para o Sistema Público de Pensións non é que éstas suban. O problema é que haxa pouco traballo, traballo precario, e por conseguinte, menos cotización á seguridade social, e eso é culpa dos que aprobaron as reformas laborais que precarizaron as condicións laborais de traballadoras e traballadores, e tenen nomes e apelidos os partidos políticos que fixeron eso.
Compañeiras e compañeiros, os pensionistas de Barreiros, os pensionistas da Mariña e os pensionistas galegos non nos rendimos e seguiremos na loita para trasladarlle ao novo goberno que se forme as nosas reivindicacións:

– Derrogación das reformas laborais

– Aprobación dunha nova lexislación laboral e social que restitúa os dereitos perdidos como consecuencia das reformas anteriores

– Supresión do factor de sustentabilidade. (a súa aplicación está aprazada ata 2023, mais é necesaria a súa desaparición)

– Pensión mínima igual ao salario mínimo interprofesional

– Recoñecemento do dereito á xubilación ordinaria aos 65 anos, e voluntaria a partir de ter cotizados 35 anos, reais ou por aplicación dos coeficientes redutores en determinadas profesións.

– Consolidación da actualización anual das pensións en base ao IPC

– Blindaxe do sistema público de pensións

– Pensións dignas e con poder adquisitivo