A Mariña, 7 de xuño de 2020. O covoceiro de En Marea e membro da candidatura da Marea Galeguista, Pancho Casal, xunto co Secretario Xeral de Compromiso por Galicia, Piñeiro Docampo, e outros membros da candidatura da Marea Galeguista; acompañaron hoxe aos traballadores de Alcoa na multitudinaria manifestación convocada polo Comité de Empresa en Viveiro.
“É tempo de actuar”, sinalou Casal. Para a Marea Galeguista é “imprescindible que o Ministerio de Industria e a Xunta de Galicia actúen de maneira inmediata”. “¿A solución? Non hai que inventar nada, pois toda xente o está reclamando todos os días: o Estado ten que intervir xa xunto coa Xunta e captar outro tipo de inversores”, apuntan desde a coalición galeguista. “Como pode ser que levemos un ano cun borrador de Estatuto coas aportacións que fixeron os traballadores e traballadoras e non hai maneira de que o consigan aprobar?”, denunciou Casal.
Para a Marea Galeguista, o Estatuto que neste momento formula o Goberno central é “absolutamente inasumible”. Nese mesmo sentido se pronunciou Piñeiro Docampo, quen tamén apuntou que “estamos diante dunha factoría onde a media de idade dos traballadores é de 30 ou 35 anos a inacción do goberno central e o milagre hipócrita que pretende Feijóo se gaña as eleccións, o que fai é poñer aos pés dos cabalos á xente nova desta comarca”.
Urxen unha “resposta inmediata”, pois “o futuro de toda unha comarca depende do Goberno e da Xunta”. Para Javier Arca, traballador de Alcoa e membro da candidatura da Marea Galeguista, “só hai un prazo de tres semanas segundo afirmou a propia empresa na súa primeira xuntanza co Comité de Empresa”, polo que “a vida de ata miles familias dependen de vontade política dos goberno da Xunta e do Estado e estamos fartos de promesas incumpridas”.
A Marea Galeguista urxe a actuación inmediata do Estado e da Xunta de Galicia en Alcoa para salvar á comarca da Mariña
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
