Burela, 9 de xuño de 2020. O alcalde, Alfredo Llano, fai unha valoración positiva das bandeiras azuis que conseguiron os areais de A Marosa, O Portelo e Ril, así como a aula Gaia, o barco museo Reina del Carmen e o paseo do litoral burelés, que obtivo o galardón de sendeiro azul. Para o rexedor é moi positivo que O Portelo recupere a bandeira azul neste 2020 porque a calidade das súas augas está a ser excelente. Llano agarda que os areais conten con servizo de socorrismo a partires do vindeiro 1 de xullo.
Llano manifestou que “foi unha grande satisfacción ver como obtemos as bandeiras azuis para as praias de A Marosa, Ril e O Portelo, porque realmente se merecen dado o traballo que se está a facer. Tamén teñen este galardón o barco museo, Gaia e o sendeiro azul. Polo tanto temos seis bandeiras azuis no noso concello, que penso que é unha boa noticia para todos”.
O rexedor sinalou que “agora debemos acompañar todo isto, que é unha alegría para o Concello, tamén do suficiente persoal para salvamento como son os socorristas. Esperemos que en pouco tempo, segundo nos avisaron das bandeiras azuis, nos avisen do número de socorristas que nos dan a cada un dos Concellos para ir organizando todo e sabendo que temos xente para poder garantir a seguridade, pois as bandeiras azuis significan que están garantidos un servizos e un deles é o dos socorristas. A ver se o antes posible nos facemos xa con eles e poder comezar o 1 de xullo, antes vai ser moi difícil”.
Alfredo Llano subliñou que “é unha boa noticia e, desde logo, merecida porque Burela fixo aquelas labores necesarias para poder garantir que houbese nos seus areais e as súas praias o suficiente mérito como para volver outorgar estas bandeiras azuis. O ano pasado xa nos estrañara bastante que non se concedera a do Portelo, dado que todo o ano, igual que no que levamos deste 2020, as análises das augas deron a cualificación de excelente. Polo tanto é moi bo que se recuperara O Portelo”.
A praia do Portelo recupera a Bandeira Azul neste 2020. É unha das tres que conseguen os areais bureleses, xunto ás da Aula Gaia, do Barco Museo Reina del Carmen e do paseo do litoral
Relacionado
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
