Lugo, 26 de xuño, 2020. Os candidatos ás eleccións autonómicas do 12 de xullo por Lugo, Elena Candia, Cristina Sanz e José Manuel Balseiro, participaron esta tarde nunha visita á Vrio Pack. Esta empresa, de gran importancia na cidade, fabrica bolsas de papel e, polo tanto, aposta polo sistema sustentable e ecolóxico, aproveitando o nicho de mercado que se abre coa progresiva eliminación das bolsas de plástico e, pola outra, adáptase á situación actual, promovendo a produción de 300.000 máscaras diarias.
“É un exemplo do compromiso empresarial coa sociedade lucense na crise sanitaria”, manifestou Candia logo de coñecer de primeira man o proceso que a entidade levará a cabo nas vindeiras semanas. Neste senso, a cabeza de lista defendeu que “a realidade que nos deixa a pandemia fai máis necesaria ca nunca a colaboración da iniciativa pública e privada, á que sempre apelamos dende o Partido Popular. En Galicia, a Xunta liderou notablemente a desescalada e, en Lugo, con esta empresa, vemos como a reactivación será máis rápida se todos arrimamos o ombro”, precisou.
XESTIÓN ÁXIL DA XUNTA
No marco desta colaboración levada a cabo polo Goberno de Feijóo, a popular cifrou en máis de 1,3 millóns as unidades de protección que se achegaron aos concellos da provincia e ás residencias públicas e privadas. Destas, 594.500 foron tamén máscaras.
“Foi un esforzo extraordinario porque así o requiriu tamén a propia situación. Cremos que a xestión en Galicia foi moito máis áxil que noutras comunidades”. Proba delo, engadiu, “é que o 88% das máscaras distribuídas nas catro provincias foron a conta da do Goberno autonómico mentres que o Goberno central tan só aportou o 12% restante”. Todo elo, engadiu, sen ter en conta que se contrataron 3.000 sanitarios para reforzar a atención a pacientes; se deron axudas aos autónomos, empresas e parados para paliar os danos da crise; ou se realizou un estudo epidemiolóxico pioneiro que, xunto coa realización de test PCR, permitiu controlar con máis eficacia o virus e dar máis tranquilidade e seguridade á poboación”.
UNHA EMPRESA REFERENTE
Vrio Pack instalará nunha nave de O Ceao a produción de sistemas de protección individual tanto cirúrxicas como FFP2, converténdose así nun referente de como ante momentos difíciles se hai que reinventar. O certo é que esta empresa xa o leva facendo de hai anos coa produción de bolsas de papel para substituír as de plástico en supermercados e comercio. Os populares puxeron así en valor a capacidade emprendedora do seu dirixente, pois en todo o país só hai media ducia de fábricas deste tipo.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
