Burela, 26 de xuño de 2020. O barco museo Reina del Carmen atópase no varadero para a realización das tarefas de mantemento e a posta a punto de cara ao inicio da tempada estival. Por este motivo non haberá visitas ata o vindeiro martes ou mércores.
O concelleiro de Turismo, Ramiro Fernández Rey, explicou que “o barco museo Reina del Carmen é un dos grandes atractivos turísticos cos que contamos en Burela e ten que estar en perfectas condicións agora que estamos a piques de iniciar a tempada estival”.
O edil burelés dixo que “trátase de tarefas de mantemento, pintado do casco, e vanse cambiar os zincs, que son para evitar que a corrente estática lle afecte ao propio casco do barco”.
O Reina del Carmen foi reaberto a mediados do presente mes de xuño, tras o confinamento ocasionado polo Covid-19.
Fernández Rey lembrou que “a partir do 1 de xullo xa empezaremos co horario de verán, que vai comprender de martes a domingo e o único día que vai estar pechado será os luns para darlle descanso ao persoal. O horario de visitas será ás once, ás doce e á unha polas mañás, e ás cinco, ás seis e ás sete polas tardes”.
As medidas de seguridade estarán moi presentes durante o verán: “baixamos a dez o número de persoas que poidan participar en cada visita, cando antes eran 25. Evidentemente, como dentro do barco non se pode gardar a distancia de seguridade recomendada de dous metros, pedímoslle á xente que use mascarilla. Ademais contamos con xeles hidroalcohólicos para todos os visitantes co obxectivo de que poidan facer a visita con seguridade. Tamén reducimos un pouco o tempo das visitas, que viñan durando sobre unha hora, para facer unha limpeza das varandas e de todos os elementos que poidan ser tocados polos visitantes”.
O concelleiro de Turismo anima “a achegarse a Burela e a gozar dun dos seus maiores atractivos turísticos, que é o barco museo Reina del Carmen”.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
