Burela, 30 de xullo, 2020. Donapubli, axencia ribadense con máis de 20 anos de experiencia, presentou esta mañá Turisgalicia; a primeira app de turismo, guía de lecer e información da Mariña.
Un proxecto moi ambicioso e cun amplo traballo ás súas costas, que xorde tras detectar a necesidade de ofrecer unha app integral que facilite e achegue aos usuarios os innumerables recursos que se atopan na Mariña.
Turisgalicia recolle todos os elementos que se poden esperar dunha app turística de primeiro nivel:
– os lugares de interese, praias e roteiros da Mariña.
– unha guía de lecer nun apartado específico de axenda de constante actualización que inclúe todas as actividades de interese.
– unha selección de experiencias de turismo, deportes e lecer
– unha oficina virtual de turismo.
– un apartado específico sobre o Camiño de Santiago con todos os recursos para o peregrino.
– a promoción do comercio local, con centenares de empresas.
Turisgalicia incorpora tamén, instrumentos exclusivos de enorme utilidade, entre os que destaca: un sistema de xeolocalización grazas ao cal, calquera usuario pode coñecer instantaneamente que recursos turísticos son os máis próximos á súa localización e como chegar a eles. Ademais, permite dispoñer dunha oficina virtual de cada concello e unha ampla selección de comercios e actividades enmarcadas na Mariña.
Turisgalicia dispoñerá ademais, cun apartado de información municipal de actualización diaria dos concellos colaboradores de Ribadeo, Barreiros, Riotorto, A Pontenova, Mondoñedo, Xove, Cervo, Foz, Burela, Viveiro, O Valadouro, O Vicedo e Alfoz.
A APP conta co patrocinio principal da Deputación de Lugo, e a colaboración da Xunta de Galicia a través da Axencia Galega de Calidade Alimentaria dentro do seu programa Experiencias de Calidade, e a Secretaria Xeral de Política Lingüistica. Ademais, de GDR Terras de Miranda.
Presentada Turisgalicia, a primeira APP de turismo, guía de lecer e información da Mariña
Relacionado
-
Lourenzá celebra unha nova tarde de lecer con Xogando á petanca dentro de Verán na Praza
-
Cariño deseña un dispositivo especial de mobilidade e seguridade para vivir o eclipse e habilita un servizo especial de autobuses.
-
Acisa Ribadeo anuncia a renovación da súa xunta directiva con lista única e paritaria
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
