Lugo, a 23 de agosto de 2020. O PP de Lugo anunciou esta mañá, nun acto diante da estación de tren da capital lucense, a solicitude a ADIF dunha reunión, para recibir información do cronograma de intervencións previstas para a mellora das infraestruturas e dos servizos ferroviarios. No acto desta mañá estiveron xunto ao vicesecretario de Participación do PP, Jaime de Olano, e da presidenta provincial do partido, Elena Candia, deputados autonómicos e nacionais, senadores, o portavoz municipal, Ramón Carballo, concelleiros e o portavoz provincial.
En palabras de Elena Candia, o PP “demanda con firmeza do Goberno para Lugo o imprescindible fortalecemento dos servizo ferroviarios”. Tras anunciar a solicitude de reunión con Adif, recordou que “non é a primeira vez”. Lembrou que “xa no ano 2018 , unha representación da veciñanza de Lugo visitou Adif”. A comitiva lucense foi recibida polo presidente de entón, Juan Bravo, e pola daquela directora xeral de Explotación, a lucense Isabel Pardo de Vera, hoxe presidenta deste organismo. Nesa reunión “déusenos explicacións e asumiuse un compromiso cronolóxico para que Lugo non quedara desvinculada duns bos servizos ferroviarios, especialmente da alta velocidade”. Naquela reunión, baixo o Goberno presidido por Mariano Rajoy, concretáronse as obras para o tramo Lugo-Monforte-Ourense, así como inversións que poderían aproximarse aos 700 millóns. Abordouse tamén a construción dun aparcamento, que xa está executado.
Transcorreu o tempo e mudou o Goberno. Agora, Candia di que “as últimas noticias que temos son negativas e incluso o posicionamento do Partido Socialista na nosa provincia tenos profundamente preocupados, porque parece que eliminou da súa axenda o compromiso con Lugo no que aos servizos ferroviarios se refire”. Engadiu: “Por iso, co ánimo construtivo que sempre empregamos nas nosas reivindicacións, dicimos alto e claro que Lugo non vai quedar á marxe dos servizos ferroviarios que merece a nosa provincia”. Destacou a importancia do tren para o desenvolvemento económico, sinaladamente para a promoción turística, e, en síntese, para “seguir traballando polo que necesita a nosa provincia, máxime nun contexto sanitario tan complexo como o que estamos a vivir”.
Os populares non permitirán, adiantou Candia, que non se cumpran os compromisos adquiridos con Lugo. “Queremos unha reunión con Adif para que, sobre aquelo que se nos explicou no 2018, vexamos os avances e se ratifiquen o compromiso coa nosa provincia”.
Polo seu lado, Jaime de Olano denunciou unha vez máis o abandono por parte do Goberno de Pedro Sánchez da provincia de Lugo e do conxunto de Galicia. Declarou: “Vemos cómo aprovechó esta pandemia para suprimir servicios que son fundamentales y que conectan nuestra provincia y toda Galicia con el resto de España”.
Olano criticou que o Goberno, segundo se desprende das súas respostas a deputados e senadores, non teña una previsión de cando recuperará os servizos que suprimiu. Igualmente censura que non aclare “el cronograma para las infraestructuras que el Partido Popular había dejado aprobadas para nuestra provincia”. Jaime de Olano dixo: “Observamos una absoluta dejación de funciones por parte del Ministerio de Fomento y el sorprendente silencio cómplice del Partido Socialista en la provincia de Lugo y en Galicia, que cuando tienen que elegir entre sus vecinos y el señor Sánchez, siempre se ponen del lado del señor Sánchez y abandonan a sus vecinos”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
