Santiago de Compostela, 30 de setembro de 2020. A Xunta adiantará un investimento de 400.000 euros para a mellora do firme da estrada autonómica LU-170 entre Cabreiros e Momán, tal e como avanzou hoxe o director da Axencia Galega de Infraestruturas, Francisco Menéndez, na súa intervención na Comisión 2ª no Parlamento de Galicia.
O director da Axencia Galega de Infraestruturas fixo hoxe unha radiografía completa do estado actual desta vía autonómica que comunica as localidades de Parga e Cabreiros, incidindo nas actuacións en marcha e nas xa realizadas, así como nos proxectos de acondicionamento do treito entre Xermade e Cabreiros.
Concretou que o seu departamento está a tramitar a redacción dun proxecto de mellora do firme coa disposición dunha nova capa de rodadura de aglomerado en quente e de mellora da seguridade viaria, mediante a execución de cunetas de seguridade, para a súa execución o antes posible no 2021.
Destacou que a Xunta ten, ademais, redactado un proxecto ambicioso e viable para actuar no tramo comprendido entre as proximidades do parque empresarial de Xermade e Cabreiros, que suporá un investimento de 1,9 millóns de euros. Un proxecto, dixo, que agarda poida ser financiado coas liñas de actuación que o Estado lle propoña á Unión Europea para os fondos de reconstrución.
Con este proxecto actuarase nunha lonxitude de 5.100 metros, co obxecto de ampliar ata os 7 metros a plataforma da estrada. Ao longo do tramo actuarase de forma puntual nas interseccións coas vías públicas xa existentes.
Con respecto a esta actuación, Francisco Menéndez, fixo fincapé no proxecto anteriormente redactado de acondicionamento da estrada entre Momán e Cabreiros, de 9,2 millóns de euros, afectado no seu desenvolvemento por mor da crise económica e a necesidade de concentrar os recursos na educación e na sanidade. Neste sentido, lembrou a realidade do momento e o agravamento da mesma pola débeda herdada do Goberno bipartito, que deixou ao departamento de infraestruturas unha débeda de preto de 4.000 millóns de euros, que sigue limitando hoxe os recursos dispoñibles.
O director da Axencia Galega de Infraestruturas fixo fincapé nas actuacións que se veñen desenvolvemento nesa zona da provincia de Lugo en materia de estradas, cunha importante actuación en execución na autovía AG-64, por un importe de máis de 1 millóns de euros para a rehabilitación estrutural do firme. Esta autovía ten unha intensidade de tráfico de máis de 6.000 vehículos ao día, cunha especial relevancia no tránsito de vehículos pesados, de máis do 13%.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
