Ribadeo, 27 de novembro de 2020. O delegado territorial da Xunta en Lugo, Javier Arias, desprazouse hoxe a Ribadeo para manter unha xuntanza coa Asociación de Comerciantes, Industriais, Servizos e Autónomos (Acisa), a petición da entidade. Continuando coa ronda de contactos que está a celebrar nos últimos días cos sectores económicos máis afectados polas consecuencias da pandemia, Arias referiuse aos programas que están en marcha ou se convocarán proximamente, algúns deles no marco do Plan de Rescate para persoas autónomas, microempresas e sector hostaleiro deseñado polo Goberno galego e dotado en total con 84 millóns de euros.
Na xuntanza participaron Francisco Miguel Iriarte Quintana e Jesús Perez Prada , presidente e xerente de Acisa respectivamente; tamén, a través de viodeoconferencia, a xefa territorial da Consellería de Economía, Empresa e Innovación, Pilar Fernández, e o subdirector de coordinación do Instituto Galego de Promoción Económica (Igape), Francisco Pedro López Martínez.
Javier Arias explicou que en breve se publicará unha nova medida de apoio á hostalería, co fin de que poidan axustar a súa actividade aos requirimentos sanitarios impostos pola pandemia. Así, o Goberno galego destinará 3 millóns de euros a financiar a instalación e acondicionamento de terrazas e a adquisición de materiais de empaquetado de comidas e bebidas para a venda a domicilio ou para levar.
As axudas concederanse por orde de entrada da solicitude e acadarán o 80 % dos investimentos, que poden estar realizados desde o pasado 1 de outubro, cunha axuda máxima de 20.000 euros e anticipos da metade do importe no momento da concesión.
Convocatorias abertas
Con respecto ás convocatorias abertas, o delegado lembrou que hoxe mesmo remata o prazo para solicitar as axudas para contribuír a sufragar os custos de alugamento dos establecementos de lecer nocturno, con achegas que poden alcanzar os 20.000 euros.
Ata o 18 de decembro poden solicitarse as achegas do Plan de rescate da Xunta para persoas traballadoras autónomas, con e sen persoal contratado ao seu cargo, un pago único xeral de 1.200 euros que se incrementa ata os 2.000 euros nos sectores que se atopan especialmente paralizados pola pandemia.
Desde mañá mesmo poderán solicitarse as axudas dirixidas neste mesmo plan a microempresas e sector da hostalaría. Neste último caso con contías nos que os establecementos hostaleiros poden superar, de darse as condicións, os 9.000 euros.
Igualmente permanece aberta a nova liña de préstamos dotada con 10 millóns de euros que achegará liquidez aos autónomos, microempresas e pemes con máis problemas de liquidez durante a covid-19, con xuros baixos e próximos ao 0%.
Concorrencia non competitiva
Arias lembrou que todas estas liñas son de concorrencia non competitiva, de modo que se concederán a todos os solicitantes que cumpran os requisitos establecidos nas convocatorias, por orde de entrada da solicitude coa documentación completa e, en todo caso, ata o esgotamento dos créditos. O procedemento previsto garante a axilidade a facilidade na achega da documentación, co obxecto de facer que a liquidez chegue o antes posible ao empresariado.
O delegado sinalou que existen outras axudas e recursos a disposición de autónomos e empresarios, entre os que lembrou a cuarta convocatoria do programa ReAcciona -aberto ata o 28 de decembro-, e distintos instrumentos financeiros, e invitou a todas as persoas interesadas a informarse nas oficinas ou na páxina web do Igape das solucións máis axeitadas a cada situación, e mesmo obter asesoramento individualizado á medida das súas necesidades.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
