Lugo, 15 de setembro. O BNG levará ao Parlamento unha iniciativa para pedir o reforzo dos servizos de pediatría e de atención continuada do centro de saúde de Meira, que atende aos concellos da Pastoriza, Pol, Riotorto, Ribeira de Piquín e A Pontenova.
A deputada parlamentaria Olalla Rodil trasladará ao Hórreo a demanda que lle trasladaron representantes municipais da formación nacionalista destes concellos, que suman preto de 10.400 habitantes dispersos nunha área territorial de 630 quilómetros cadrados.
No caso do servizo de pediatría, unha única profesional atende aos nenos dos seis concellos, desde os centros de saúde de Meira, no que está tres días a semana, e A Pastoriza, onde atende os outros dous.
Rodil expuxo que “en moitas ocasións, cando a persoa titular da praza colle unha baixa ou exerce algúns dos seus dereitos laborais non é substituída por outra persoa e obrígase a eses nenos e nenas a seren atendidos nos centros de cabeira ou a desprazarse ata Vilalba, ou directamente ao Hula”. Así, avanzou que “desde o Bng solicitaremos que os centros de saúde de Meira e Pastoriza conten con pediatra a tempo completo para que os nenos e nenas teñan a atención especializada que necesitan e á que teñen dereito”.
No tocante ao Punto de Atención Continuada (Pac), a parlamentaria nacionalista subliñou que “a necesidade de reforzar o servizo, que queda ao descuberto cando os profesionais teñen que desprazarse para urxencias ou atencións a domicilio xa que o centro de saúde cun único equipo que dá cobertura a unha área territorial de 630 quilómetro”, desde Castroverde ata Asturies. Rodil indicou que “o Pac necesita durante a semana e os sábados con alomenos dous equipos completos, como ocorre en domingos e festivos”.
Na últimas semanas, o Sergas recuou na decisión de reducir o servizo a un único equipo tamén en domingos e festivos , como denunciaran os propios profesionais do centro de saúde a través dun cartel informativo.
“Desde o Bng estamos convencidas de que o que necesitan os concellos do rural é reforzar os servizos públicos, para fixar poboación e frear na medida do posible o despoboamento”, concluíu Rodil
O BNG levará ao Parlamento unha iniciativa para pedir o reforzo do servizo de pediatría e do Pac de Meira
Relacionado
-
O PPdeG urxe ao Goberno central medidas de vixilancia permanente ante as interaccións de candorcas con embarcacións no litoral galego
-
A Deputación reforza a cooperación cos concellos e impulsa o tecido empresarial cun investimento de máis de 390.000€
-
Rosa María Rivas, nova xefa da Unidade de Violencia contra a Muller da Subdelegación do Goberno en Lugo
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
