Lugo, a 28 de novembro de 2020. O PSOE, Podemos e os seus socios opóñense a incrementar en 2021 o orzamento para Lugo en 44,6 millóns de euros ao rexeitar “absolutamente todas” as emendas presentadas polo Partido Popular co fin de “corrixir o desprezo e a discriminación á nosa provincia logo de recortar ou anular partidas moi concretas nas principais infraestruturas e proxectos que o Executivo tiña proxectados para o territorio lucense” e que, polo tanto, “quedan nun caixón. Ao non apoiar as emendas dos populares “retírase aos lucenses o apoio consignado nos anteriores presupostos elaborados polo Goberno de Rajoy a distintos proxectos para a provincia”. Así o manifestaron este sábado os deputados no Congreso -Jaime De Olano e Joaquín García Díez-, e os senadores por Lugo -José Manuel Barreiro e Rosa Arza-.
Os populares sinalaron, ademais, que “son uns Presupostos nos que o incremento da fiscalidade repercutirá negativamente no poder adquisitivo da poboación lucense”. Isto débese á suba de 2 puntos porcentuais (do 6 ao 8%) na taxa da prima de seguros xa sexan de vehículos, fogar e decesos e que “afectan á totalidade das familias lucenses”. Suben tamén os impostos de bebidas azucradas (refrescos, zumes, etc.), plásticos coma os do iogur; a Internet, etc. Igualmente, o incremento da fiscalidade afecta á rebaixa da bonificación no IRPF dos plans de aforro como os de pensións que pasa dos 8.000 aos 2.000 euros, é dicir 4 veces menos que ata o de agora.
Os representantes do PP lucense nas cortes xerais do Estado apuntaron que “fronte á subida que plantexa o Goberno do Estado, o goberno da Xunta – ao que os galegos votamos de forma aplastantemente maioritaria- non sube impostos, senón que os baixa sempre que se pode”. Por iso se preguntan quen son Sánchez e Rufián para obrigar á Xunta a subir os impostos aos galegos e aos lucenses tal e como pretenden no que denominan “harmonización fiscal”, unha proposta “inaudita” e “dunha gravidade extrema”. Neste sentido, dixeron que: “postos a harmonizar, harmonicemos antes a alta velocidade da que gozan as catro provincias catalás, mentres que a Lugo aínda non chega”. Lamentaron, polo tanto, que “a Cataluña e o País Vasco, non se lles toca; pero a Galicia si”.
É por iso polo que lles preguntan aos socialistas da nosa provincia que pensan de que cando hai que decidir que fai o Goberno central en Galicia e Lugo, o señor Sánchez o acorde con Rufián e con Otegi. Sinalan, así mesmo, que “o peso político de Caballero e Tomé é cero. “Sánchez non lles pide opinión, simplemente lles di que aplaudan e o triste para os lucenses é que obedecen” e, polo tanto, “poñen antes a Sánchez que aos intereses dos lucenses”. De feito, esta semana no pleno da Deputación, incluso “Tomé e os socialistas votaron que non a mellorar as infraestruturas que tanto precisa a nosa provincia”.
As emendas rexeitadas polo Goberno de Pedro Sánchez, no debate do Congreso celebrado esta semana, foron as seguintes:
En infraestruturas viarias:
– PRIMEIRO: autovía da Mariña lucense, a A-74. De forma nominativa, para os treitos San Cibrao-Burela, o PP propoñía 2.599.000 euros; para o de Foz-Burela 2.859.000, para o de Foz-O Carme 700.000 euros e para o treito O Carme-Barreiros 700.000 euros.
– SEGUNDO: para a N-VI, en Outeiro de Rei, propoñíanse 350.000 euros para a mellora da seguridade vial e a glorieta P.k 213, nesta localidade.
– TERCEIRO: para o intercomunicador A-54 e N-540, en Guntín, que estaba consignado en pasados exercicios e non figuran nos presentes, 2.500.000 euros.
– CUARTO: para a circunvalación de Monforte de Lemos, enlace Monforte este-Barrela, 422.290 euros; pedíase a mesma cantidade que figuraba en 2019 para impulsar a autovía A-76 entre Ourense e Ponferrada.
– QUINTO: para a autovía Lugo-Ourense, propoñíase seguir impulsando esta infraestrutura que vehicula a provincia de Lugo dende a capital ata Ourense.
En materia ferroviaria, os populares consideraban preciso actuacións para impulsar o tráfico por ferrocarril na provincia, como as que se indican:
– PRIMEIRO: incrementar a partida de renovación da liña Monforte-Lugo con 10 millóns de euros, xa que a consignación proposta para o ano 2021 está moi lonxe do custe total de dita actuación e acumula un retraso considerable dende hai anos.
– SEGUNDO: habilitar unha partida de 20 millóns de euros na antes denominada electrificación Monforte-Lugo.
– TERCEIRO: 2.500.000 euros para a renovación da liña Vegadeo-Ferrol, que afecta ás provincias de Lugo e de A Coruña.
En materia de augas e transición ecolóxica, o Partido Popular defendeu o impulso con redacción de proxectos novos para:
– PRIMEIRO: o saneamento e depuración dos concellos de Monforte de Lemos, Castro de Rei, Portomarín e a eliminación de pluviais e tanque de treboadas en Chantada para o que se propoñía a necesidade de contar cunha partida adicional de 1.400.000 euros.
– SEGUNDO: en concordancia, tamén se consideraba preciso declarar de interese xeral do Estado dito saneamento e depuración de Monforte de Lemos, Portomarín, Chantada, Castro de Rei e o saneamento de Vilalba; imprescindible esta declaración para garantir o correcto saneamento en poboacións de 5.000 habitantes e cumprir a directiva 41/271 sobre o tratamento de augas residuais urbanas.
En materia de interior, destacaban a inclusión de 300.000 euros para a construción da nova comisaría de Lugo, co fin de cumprirse os compromisos adquiridos en anos anteriores respecto destas instalacións e para que a cidade conte con estas dependencias.
Os deputados e senadores do PP de Lugo tamén sinalaron que as emendas presentadas polo distintos partidos políticos no Congreso foron afrontadas de forma diferente. “O PP votou a favor das emendas presentadas polo BNG porque consideramos que eran boas para o conxunto dos lucenses”; mentres que “o BNG votou en contra das nosas propostas só por ideoloxía”. Cren, nese sentido, que “o BNG non está a ser a voz dos galegos en Madrid”. Ademais, advertiron de que “Ciudadanos só presentou 3 emendas e Vox, ningunha. Estivo de vacacións estes días”, ironizaron.
A Xunta, a que máis inviste por cada lucense
Os populares recordaron este sábado que “os orzamentos da Xunta recollen un investimento para Lugo – a provincia galega con maior investimento por habitante- que é 14 veces superior ao do Goberno e 17 veces máis que o que inviste a Deputación”.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
