A Fonsagrada, 25 de febreiro de 2021. “Alegrámonos de que a presión do PP fixese recapacitar ao alcalde e se cubra a praza da bibliotecaria”. Así o afirma o voceiro desta formación, José Regueiro, logo das declaracións realizadas polo socialista en resposta á advertencia realizada polo popular no día de onte. E é que manter estas instalacións públicas pechadas suporía tamén eliminar o servizo que presta de apoio á rapaces con maiores dificultades de aprendizaxe.
Con todo, Regueiro asegura que seguirán o asunto “con lupa”, agardando que o rexedor non se refira a cubrir a praza con volver a poñer á traballadora de Turismo a atender tamén a Biblioteca, como aconteceu dende mediados de novembro ata que en decembro se lle acabou o contrato e pecharon o edificio. A mesma rapaza volverá a ser contratada para Turismo, logo de superar recentemente o proceso selectivo convocado a tal fin.
O voceiro do Grupo Municipal Popular amósase convencido de que “foron as nosas queixas as que o obrigaron a cambiar de decisión”, pois, lembra, “o alcalde díxome en primeira persoa que non tiña previsto cubrir a praza”. “Os feitos son os que dan e quitan razóns e nas fotos que temos o amontoamento de xornais demostra que as dependencias levan tempo pechadas”, remarca.
Pleno de Orzamento
Mañá terá lugar o pleno no que o equipo de goberno someterá a votación o Orzamento de 2021. Son algo máis de 3,3 millóns de euros que, segundo afirma Regueiro, “non servirán para facer ningún investimento novo na Fonsagrada”. Proba delo é que do montante total, un millón é para o SAF, 800.000 euros para gastos de soldos e o millón restante para pagar facturas que algunhas están xustificadas e outras non. É o caso dalgunha relativa ao arranxo de maquinaria. Por este motivo, os populares amosan a súa desconformidade coa xestión do goberno local, que “só ten o presuposto para vivir ao día, non para mellorar ou dar servizo ás parroquias”.
Contas “ineficaces”
Para Regueiro este documento orzamentario “non pode ser máis ineficaz”, xa que o que destina o Concello a inversión só figuran 18.000 euros para aplicacións informáticas, 20.000 para a construción do residencial Rois e 19.000 euros do Plan Único. “Se quitamos estas pequenas aportacións para estes podemos decir que a inversión real é de 0 euros”, sinala o popular. E é que “non existe ningún investimento ao que o Concello poida facer fronte con recursos propios como entidade autónoma”.
Por este motivo, José Regueiro preguntaralle ao rexedor “con que pensan financiar as piscinas climatizadas que anunciaron a bombo e platillo na última campaña electoral para as eleccións municipais ou se é capaz de confirmar se o Concello ten pensado facer algunha inversión con recursos municipais.
Concello endebedado
Por outra banda, lamentan que a xestión sexa “tan ineficaz”, que o goberno local non é capaz de artellar ningunha fórmula para reducir a débeda que a entidade local arrastra reiteradamente durante anos, e que supera os 300.000 euros. “Seguimos tendo un Concello endebedado, no que non hai inversión e que o único que fai é intentar ir ao día. Así é imposible mellorar A Fonsagrada”, conclúe o popular.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
