Ribadeo, 7 de maio de 2021. O Concello pon en marcha Reinicia Ribadeo, o programa de transformación dixital para empresas locais, que inclúe formación gratuíta. O prazo de inscrición está aberto ata o 14 de maio.
O concelleiro de Desenvolvemento Local, Pablo Vizoso, explicou que “como resposta á necesidade xeral de levar a cabo a dixitalización dos negocios, acentuada polas medidas restritivas do último ano, que tiveron un gran impacto económico, o Concello de Ribadeo presenta un programa de acompañamento e apoio para a transformación dixital das empresas locais, Reinicia Ribadeo”.
O proxecto está formado por tres elementos clave para a transformación dos negocios locais: asesoramento individualizado, formación práctica e novas canles dixitais de apoio, onde se compartirá información sobre a dixitalización e se poderán consultar dúbidas ao respecto.
O programa de apoio, totalmente personalizado, levarase a cabo dende o mes de maio ata o mes de setembro (ambos incluídos) e desenvolverase en catro fases: diagnose da situación de dixitalización inicial; formación grupal práctica en diferentes áreas de transformación dixital; asesoramento personalizado/individualizado para a implantación do plan de activación de dixitalización; e seguimento da implantación das accións propostas no plan de activación e informe final de resultados.
As persoas beneficiarias disporán de 20 horas de asesoramento individualizado e de apoio para deseñar e executar o seu plan de dixitalización. A convocatoria está aberta ás persoas autonómas e micropemes asentadas en Ribadeo, con independencia da súa actividade e sen ningún custo económico, ata acadar un total de 20 participantes.
Paralelamente leváranse a cabo cursos de formación práctica neste ámbito, que abordarán temas como as redes sociais, comercio electrónico, facturación dixital ou fidelización de clientes. Esta formación estará aberta a tódalas persoas autónomas do concello ata completar os aforos dos cursos.
Como complemento ao anterior, publicarase a través de redes sociais información sobre a dixitalización, boas prácticas e consellos, que servirán como canles de apoio e dende onde se poderán consultar dúbidas.
Pablo Vizoso salientou que “con Reinicia Ribadeo queremos impulsar a transformación dixital das empresas asentadas no noso concello permitindo mellorar a súa visibilidade na rede das firmas locais facendo uso das novas canles de comunicación e venda así como incrementar as competencias dixitais das empresas locais”.
Reinicia Ribadeo pretende facilitar a dixitalización das empresas locais en diferentes áreas de competencia: visibilidade e posicionamento na rede; comercio electrónico; fidelización de clientes; e sistemas de planificación de recursos (ERPS, facturación electrónica).
O prazo de inscrición está aberto ata o 14 de maio. As persoas interesadas en obter máis información poden solicitala no teléfono 982 128 250 ou por correo electrónico en silviaadl@ribadeo.org
As bases e mais información están dispoñibles en http://bit.ly/reiniciaribadeo
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
