Lugo, 24 de maio de 2021. O portavoz provincial do Partido Popular, Javier Castiñeira, anunciou esta mañá que “o grupo provincial popular solicitará no pleno que celebrará mañá a Deputación o apoio do goberno provincial para pedir ao Goberno central que cambie a súa política fiscal recadatoria, que prexudica á maioría dos lucenses”.
Castiñeira sinala: “Nun momento tan crítico da economía, coas pemes e os autónomos pedindo axuda; con tantos veciños no paro e sen oportunidades, e mentres o resto dos países están facendo o contrario, que é baixar impostos, o Goberno presidido por Pedro Sánchez pretende subilos ou eliminar desgravacións que existían ata o momento”. O portavoz popular sinala: “Neste ano 2021, suben impostos como o de matriculación, ao diésel, ás bebidas azucradas; suben as pólizas dos seguros, empeza a funcionar a taxa Google, que grava produtos informáticos, pretenden eliminar as desgravacións dos plans de pensións ou á renda conxunta, ou mesmo poñer peaxes en todas as autovías para o ano 2024”.
Castiñeira considera que o Goberno de Pedro Sánchez prepara “un auténtico atraco fiscal”. Engade: “Este sabrazo á clase media e traballadora, grava produtos de consumo ordinario, que acabarán subindo o custe da vida para moitísimos lucenses, o que consideramos totalmente inaceptable”.
Fronte aos plans dos socialistas, en Lugo, segundo Castiñeira, “preferimos a política fiscal galega, do goberno de Feijóo, que opta por baixar os impostos, máis concretamente no rural; non é a política fiscal de PSOE e Podemos e dos socios do BNG, que cada vez que gobernan o fan a cargo dos petos dos contribuíntes e neste caso tamén de todos os lucenses”.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
