Lugo, 27 de maio de 2021. O Presidente da Deputación de Lugo e do Consorcio Provincial de Bombeiros, José Tomé Roca, estivo este xoves en Vilalba, onde mantivo un encontro con efectivos do Parque Comarcal de Bombeiros, aos que felicitou pola súa actuación no incendio da nave de Jamones Otero, e tamén con responsables da empresa chairega. José Tomé estivo acompañado pola Deputada de Réxime Interior, Promoción do Territorio e Turismo, Pilar García Porto, o Deputado de Promoción Económica e Social, Pablo Rivera Capón, a Alcaldesa de Vilalba, Elba Veleiro, e a xerente do Consorcio de Bombeiros, Marta Rouco.
O retén chairego tardou 4 minutos en chegar ás instalación da empresa chairega logo da alerta do 112 –o sábado 22, ás 20.29 horas- e traballou toda a noite de xeito ininterrompido ata o cambio de quenda ás 09.00 horas do domingo. Na intervención participaron 6 efectivos do parque en dúas quendas e nun primeiro momento o equipo trasladou un vehículo de altura e unha bomba urbana lixeira, pero ao trasladarse o foco á planta superior incorporáronse novos medios: a carroceta do Concello de Vilalba, un camión nodriza e 2 efectivos do Parque de Lugo, 2 bombeiros das Pontes cun nodriza e un vehículo de altura, 3 brigadas de Medio Rural con carroceta, camión cisterna da AXEGA e persoal do Grupo de Apoio Loxístico (GALI), Garda Civil, Policía Local, Protección Civil e Cruz Vermella. O domingo pola mañá pediuse o reforzo cun autoescala de Sarria e o brazo de Monforte. Na intervención utilizáronse máis de 100.000 litros de auga.
Os responsables provinciais tamén visitaron a nave industrial de Jamones Otero, para comprobar os danos causados polo lume. O incendio, que comezou nun afumadeiro de xamóns, afectou tamén á planta superior e ao tellado. En total quedou afectada un tercio da nave, duns 2.000 metros cadrados.
O Consorcio Provincial de Lugo para Prestación do Servizo contra Incendios e Salvamento está formado pola Deputación de Lugo e a Xunta de Galicia e inclúe os parques de Vilalba, Monforte de Lemos, Barreiros, Chantada, Sarria e Viveiro.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
