Ribadeo, 15 de xuño de 2021. No pleno extraordinario que se celebrará este xoves, 17 de xuño, no Concello de Ribadeo someterase a aprobación o inicio do procedemento de expropiación para adquirir os terreos destinados á creación dun aparcadoiro público nas inmediacións da praia das Catedrais. Trátase do primeiro paso para comezar a desenvolver o Plan Especial de Protección dese areal. O alcalde, Fernando Suárez, agarda a implicación do Estado e da Xunta. No pleno tamén se aprobarán de xeito definitivo as ordenanzas do uso das praias e de limpeza viaria e xestión de residuos.
O rexedor ribadense contou que “son varios os puntos que van ir a este pleno extraordinario a celebrar o vindeiro xoves. Un deles é a aprobación definitiva da ordenanza de uso das praias. Hai que ter en conta que non tíñamos, ata o momento, regulación e agora, logo dun proceso participativo, chegamos á fase final da aprobación definitiva. Nesta ordenanza vanse contemplar unha serie de cousas como os deportes que se poden facer na praia e os dereitos e os deberes dos usuarios dos areais. Tamén a presenza dos cans nestes espazos públicos, por exemplo definindo as épocas do ano onde se permitirá a presenza de cans, así como tamén que se poderán levar con correa polos paseos habilitados, entre outras moitas cousas”.
Suárez Barcia sinalou que “outra das ordenanzas que imos aprobar de maneira definitiva é a de limpeza viaria e de xestión de residuos, dado que esta nova ordenanza ven substituír unha vella que databa do ano 2006, e agora si adaptarémonos a todos os cambios normativos que se viñeron producindo en todo este tempo e tamén a cuestións que nos teñen trasladado tanto a cidadanía en xeral como as suxestións da propia Policía Local no tocante á limpeza, ao ornato e mesmo á salubridade dos espazos públicos e á xestión tamén dos residuos de competencia municipal”.
O alcalde subliñou que “outro dos puntos importantes que pretendemos iniciar, neste pleno extraordinario, vai ser o acordo de inicio do procedemento de expropiación para adquirir os terreos para un aparcadoiro público nas inmediacións das Catedrais. Debemos dicir que este é o primeiro paso firme que damos para empezar a desenvolver este Plan Especial de Protección da contorna das Catedrais, que aprobamos definitivamente hai moi poucos meses e no que se propoñen unha serie de actuacións para protexer, conservar, coidar e promocionar esta marabilla da natureza. Evidentemente, queremos que siga sendo un lugar coñecido e visitado ao longo do ano, e non só polo verán, pero tamén temos que conseguir que non se converta nunha feira ou nunha romaría. Para iso debemos habilitar un espazo público previsto neste plan e aí o contemplamos, neste proxecto que vai ao pleno, un espazo de practicamente 30.000 metros cadrados que vai estar no acceso, desde a estrada principal xusto antes de pasar a vía do tren. Alí queremos facer un aparcadoiro público onde se faga coincidir o transporte público e o transporte privado, aínda que queremos promocionar o primeiro, e de aí, unha vez que se aparque, os visitantes deberán ir andando cara ao areal”.
Fernando Suárez dixo que “o Plan Especial das Catedrais contempla máis accións como pode ser a construción de carreiros pola parte de arriba, sempre separados do cantil para garantir a seguridade, pero para poder ao mesmo tempo ver as estampas que a natureza nos foi creando co paso do tempo. E tamén este plan recolle a creación dun apeadoiro de Feve, entre outras moitas cousas”.
O alcalde de Ribadeo engadiu que “o paso que dá o Concello agora é iniciar os trámites para adquirir os terreos para convertelos nun aparcadoiro público e confiamos que o resto de administracións, empezando pola Xunta de Galicia e tamén polo Estado, nos boten unha man economicamente dado que tanto uns como os outros levan tempo dicindo que o van facer. Verémolo logo se o fan e en que medida”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
