Burela, a 26 de xuño de 2021. A presidenta provincial do PP, Elena Candia, acompañada polo voceiro municipal do Partido, Manuel Rouco, e pola concelleira popular Ana Álvarez reuniuse con parte da directiva da Comunidade de Montes Veciñais de Burela.
Os participantes na xuntanza abordaron a posibilidade de que a comunidade de montes de Burela puidera liderar un proxecto piloto na comarca para dinamizar a economía forestal e que serviría como referente para outras comunidades de montes.
A reunión tamén serviu para concretar nas vindeiras datas unha charla explicativa relativa á nova lei que afecta ás plantacións e aos terreos forestais. Neste senso, veuse con moi bos ollos a posibilidade de que a charla estivera aberta, non só aos membros da comunidade de montes, senón tamén a todos aqueles veciños que quixeran informarse sobre o tema e aclarar as dúbidas que puideran xurdir.
A asociación de cazadores recibiu a Candia e aos representantes municipais do PP
Tanto Candia coma Rouco e a concelleira Álvarez atenderon ás solicitudes expostas polos representantes dos cazadores do Coto Azor, o maior coto da Mariña e asentado en Burela, en relación á prevención de riscos en materia de danos causados polo xabaril que, este coto modelo e pioneiro, está a levar a cabo na nosa comarca.
Dende o colectivo de cazadores expuxeron algunhas melloras que podería contemplar a lexislación vixente para garantir esa diminución de danos causados pola fauna cinexética. E, nese sentido, a parlamentaria do PP comprometeuse en darlles traslado.
Escoitar necesidades para tratar de darlles solución
“Esta é a filosofía do PP: escoitar de primeira man as necesidades dos colectivos e tratar de darlles solución entre todos a esas inquedanzas que se nos trasladan”, asegurou Candia.
Pola súa parte o voceiro municipal, Manuel Rouco, indicou que “un representante político non pode traballar de costas á xente, tomando decisións unilaterais que o único que fan é agravar os problemas existentes ou causar uns novos. Por desgraza o goberno local do Sr. Llano non é capaz de entender isto e o único que fai coas súas decisións, ou nalgún caso coa ausencia delas, é afondar máis a brecha existente entre o noso Concello e o resto da comarca da Mariña”, conclúe Rouco.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
