Cervo, 5 de agosto de 2021. O vicepresidente económico e conselleiro de Economía, Empresa e Innovación, Francisco Conde, acompañado do delegado territorial da Xunta en Lugo, Javier Arias, visitou hoxe en Cervo o polígono de Cuiña ao que o Goberno galego apoia con diferentes liñas de axudas para ofrecer oportunidades ás empresas e emprendedores asentados e tamén para facilitar a captación de novos investimentos.
Así, a Administración achega 240.000 euros –case o 76%– dos 317.000 euros que vai investir este ano o Concello para a construción de beirarrúas na marxe dereita da vía de acceso principal, con canalizacións para soterrar nun futuro a rede de alumeado público e o saneamento; e tamén para a instalación dunha cuberta para tarefas de clasificación e separación de residuos do polígono. En total, desde o 2009 as axudas autonómicas concedidas a Cervo suman máis de 831.000 euros e mobilizan máis de 1M€.
Estas axudas enmárcanse na liña posta en marcha polo Goberno galego para a mellora das infraestruturas nos polígonos empresariais e para a creación de viveiros industriais, dúas liñas de axudas que nos últimos doce anos levan permitido apoiar 627 proxectos de acondicionamento de infraestruturas en Galicia e a implantación de 13 viveiros nos últimos cinco anos.
Ente ano, a Xunta destina 4,12M€ a melloras e infraestruturas nos polígonos de 51 concellos galegos, dos que 38 son Concellos Emprendedores como é o caso de Cervo. Na provincia de Lugo, en concreto, apoiáronse nove proxectos a través dun investimentos de máis de 680.000 euros, e entre os seis viveiros que se van financiar –cun investimento de 1,3M€–, catro están nesta provincia –polígonos do Corgo, Paradela, Monforte de Lemos e Bóveda–.
O obxectivo fundamental destes apoios, sumados a recursos legais como a Lei de simplificación administrativa e de apoio á reactivación económica, é axudar ao tecido produtivo e, máis concretamente, ás áreas empresariais galegas, que concentran unha gran parte dos recursos da Administración galega porque nelas tamén se concentra o pulmón da economía.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
