Lugo, 12 agosto de 2021. A coordinadora da ponencia provincial dos populares lucenses, a deputada autonómica Cristina Sanz, mantivo unha xornada de traballo cos integrantes do Comité Organizador do 18 Congreso na que acordaron que para afrontar a tarefa de redacción deste documento, “no que se abordarán os retos de futuro da provincia”, promoverán un proceso “participativo de ideas, de traballo e de futuro, aberto a toda a sociedade”.
Con este obxectivo, os populares deseñaron un calendario con reunións e encontros con diversas asociacións e colectivos, representantes da sociedade civil e dos principais sectores da provincia “para presentarlles as nosas ideas e que poidan formular as súas achegas”. Sanz aclara que “ser o partido preferido polos lucenses, elección tras elección, supón tamén unha responsabilidade” e por iso “aspiran a de ser fiel reflexo da sociedade á que representan, e das súas lexítimas aspiracións de progreso e benestar”.
“Queremos facer do 18 Congreso o máis aberto, participativo e próximo aos cidadáns da nosa historia. Estamos a disposición de atender calquera contribución que se poida facer desde dentro ou desde fóra do noso partido. E por iso tamén queremos pulsar a opinión nos ámbitos empresarial, social e cultural”- insistiu Sanz.
O relatorio, que se elaborará seguindo o modelo dun comunicado, estruturarase en varios apartados: economía e emprego, medio rural e sector primario, servizos públicos, infraestruturas, igualdade, política social, sanitaria e medio ambiental e rematará con propostas e reflexións no ámbito da mocidade, educación, cultura e turismo.
Un partido aberto, próximo e comprometido
Coa mirada posta no 3 de setembro, data límite para presentar o documento baixo o título Un proxecto de partido, un proxecto para Lugo os populares aspiran a continuar sendo “o gran punto de encontro” de todos aqueles que teñen como “centro da súa acción política a Lugo e á súa provincia, e que foxen das fórmulas extremistas, populistas e nacionalistas”.
A relatora explica tamén que este “debate de ideas” debe servir para afrontar o futuro dun modo “máis esixente”. Así avanza que os populares non aspiran a recibir a confianza dos veciños da provincia polos “sonados desacertos” que están a protagonizar a xestión doutras forzas políticas. “Queremos convencer. Que nos apoien porque lles escoitamos e porque damos motivos dabondo para xerar ilusión, para crer nas nosas ideas e proxectos. E para iso, é imprescindible seguir un proceso “que parta dun diálogo coa sociedade, outro coa militancia e acompasar a formación popular á unha provincia en constante evolución”.
Sanz referiuse tamén ao “inmenso patrimonio que para o PP supoñen os seus afiliados e a súa militancia” e sinala que da cita congresual servirá tamén para elixir un “equipo reforzado, máis forte, máis unido, máis moderno e mellor conectado cos lucenses”. Con todo, insistiu que o “18 Congreso non estará centrado en nomes, senón en ideas” co obxectivo de seguir sendo “o partido que máis se parece á Lugo e aos lucenses”.
Finalmente explicou que entre as liñas básicas da futura ponencia está tomar exemplo do traballo das alcaldesas e alcaldes do Partido Popular na provincia de Lugo, “que representan, co seu traballo e compromiso diario, o mellor referente da nosa acción política e institucional”. “Como cada un deles” –explica Cristina Sanz- “temos que dar o mellor de nós mesmos para conseguir o mellor para os nosos veciños”.
Prazos do XVIII Congreso
En canto aos prazos do 18 Congreso, o Comité Organizador lembrou que do 28 de agosto e ata o 8 de setembro está aberto o prazo de presentación de solicitudes de afiliados para ser candidatos a compromisarios. O cónclave popular contará con 756 compromisarios, 138 natos –por formar parte da Xunta Directiva e do Comité Organizador-, e 138 electos, deles 18 por Novas Xeracións.
Do mesmo xeito, do 27 de agosto ao 13 de setembro terá lugar a campaña electoral interna, para a que está proclamada candidata única a actual presidenta provincial, Elena Candia, “que optará a reelección, nun exemplo de unidade e fortaleza no partido” e todo concluirá o 19 de setembro, cando teña lugar a celebración do Congreso.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
