A Fonsagrada, 18 de agosto de 2021. A presidenta provincial do Partido Popular de Lugo, Elena Candia, destacou a “importancia da conectividade para os territorios menos poboados como é o caso da provincia de Lugo”. Así o puxo de manifesto na Fonsagrada despois de manter unha reunión de traballo co grupo municipal popular e o seu voceiro, Jose Regueiro, na que tamén participou o deputado nacional Jaime De Olano, para analizar os recursos desta zona tan importante para a provincia de Lugo.
A máxima dirixente popular da provincia e tamén deputada autonómica quixo volver presentar na Fonsagrada unha proposta en positivo do Grupo Popular no Parlamento galego co obxectivo de mellorar a conectividade nas zonas menos poboadas. “Aquí, nun concello gobernado polo Partido Socialista a pesar de perder as eleccións, pedimos aos socialistas que reivindiquen e esixan para o seu territorio que nas subastas que o Ministerio está sacando, lles esixan aos operadores centrar o investimento nos territorios menos poboados como pode ser o caso da Fonsagrada, a Montaña lucense e a nosa provincia en xeral”, expuxo.
Candia considera que se trata dunha “oportunidade histórica para que a conectividade, a infraestrutura máis importante do século XXI, chegue a estes territorios”. É que o Goberno de España dispón de máis de 4.300 millóns de euros de fondos públicos para favorecer a conectividade e despregar a tecnoloxía 5G. Recentemente, dentro da Estratexia de impulso ao desenvolvemento da tecnoloxía 5G, subastou bloques de frecuencias da banda de 700MHz, pero “as obrigas establecidas polo Estado para os adxudicatarios son insuficientes para cubrir as necesidades dos territorios máis rurais e complexos como é o caso da nosa provincia”.
Igualdade de oportunidades
A popular insistiu na necesidade de que “o Goberno obrigue a través dos pregos de cláusulas aos operadores, que sabemos que por si non o fan, a reorientar os seus investimentos aos territorios menos poboados” e que “o Ministerio incentive o despregamento da tecnoloxía 5G para paliar e eliminar as desigualdades nos territorios menos poboados”.
Candia destacou na Fonsagrada que “o proxecto político do PP apoia e prioriza ao Camiño Primitivo e ao sector primario, que é moi importante no municipio”. Engadiu que as accións de traballo dos populares se dirixen a que “as xentes do municipio teñan as mesmas oportunidades que os habitantes das grandes cidades como demostra esta proposta en positivo dirixida a favorecer a conectividade deste territorio”.
Proposición Non de Lei
A Proposición Non de Lei presentada polo Grupo Popular no Parlamento de Galicia ten como obxectivo instar á Xunta de Galicia a que se dirixa ao Goberno de España para que, de acordo coa Administración Autonómica, concrete e priorice as medidas contempladas na Estratexia de Impulso da Tecnoloxía 5G que permitan incentivar o despregamento desta tecnoloxía nas poboacións de menor tamaño e no medio rural,así como en aquelas infraestruturas, polos industriais e de coñecemento estratéxicos da Comunidade Autónoma.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
