Viveiro, 19 de agosto de 2021. O Concello de Viveiro anuncia o pase do municipio a nivel medio de restricións, abandonando así o nivel alto tras a mellora dos datos epidemiolóxicos. A decisión foi anunciada logo da reunión do Comité Clínico que asesora á Xunta de Galicia e implica unha serie de cambios nas medidas sanitarias, sobre todo na hostalaría. Actualmente, contabilízanse en Viveiro 63 casos activos de COVID-19.
Unha vez estas novas medidas entren en vigor, cando sexan publicadas no Diario Oficial de Galicia, os establecementos de hostalaría aumentarán o seu aforo ata o 50% en interiores e o 100% no exterior. No caso do ocio nocturno, os locais estarán ao 50% de capacidade no interior e ao 75% nas terrazas. A hostalaría poderá abrir ata as 01:00, mentres que o lecer nocturno deberá pechar ás 03:00.
Ademais, coas novas medidas manterase vixente a prohibición das reunións entre non convivintes entre as 3:00 e as 6:00. Fóra destes horarios, as xuntanzas non poderán superar as 6 persoas en interiores e as 10 ao aire libre.
Estas novas medidas entrarán en vigor na madrugada do venres ao sábado, unha vez sexan publicadas no Diario Oficial de Galicia. Ata entón, os aforos na hostalaría serán do 30% en interiores e 50% en exteriores, mentres que no lecer nocturno só estarán abertas as terrazas, pechando ambos ás 01:00, segundo o anterior nivel de restricións.
Malia a redución dos contaxios no municipio, o Concello de Viveiro pide coidado á cidadanía para continuar neste descenso dos casos activos e asegurar a saúde dos veciños e veciñas.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
