Lugo, 17 de setembro de 2021. O Presidente da Deputación de Lugo, José Tomé Roca, participou no pleno da Comisión de Deputacións Provinciais, Cabidos e Consellos Insulares da Federación Española de Municipios e Provincias (FEMP) celebrado este venres na sede da institución provincial de Almería, un encontro no que se acordou, a proposta do propio mandatario lucense, que a FEMP solicite e negocie co Goberno central que se habilite dentro dos fondos europeos para recuperación da pandemia da Covid-19 a posibilidade de destinar recursos á mellora da mobilidade no rural, ampliando a actual disposición, encamiñada fundamentalmente a entornos urbanos.
Tomé Roca expuxo a situación da provincia de Lugo, na que a Deputación ten ao seu cargo 4.200 quilómetros de estradas, a rede máis extensa de España, subliñando que que os fondos de Europa deben contribuír a “asegurar unhas boas comunicacións entre os concellos rurais e entre estes e as zonas urbanas, algo fundamental para o desenvolvemento equilibrado do territorio, para a igualdade de oportunidades, e polo tanto, para manter a poboación”.
A trintena de presidentes e presidentas que acudiron á reunión da FEMP estiveron de acordo na proposta formulada polo Presidente, que será agora incorporada ás conservas e negociacións desta organización co Goberno central para o desenvolvemento dos fondos europeos.
Neste sentido, o Presidente defendeu que as administracións locais -deputacións e concellos- teñan un papel central na dotación e na xestión destes recursos. No seo da Comisión aprobouse de feito por unanimidade un manifesto no que as deputacións solicitan que os gobernos locais e os gobernos locais intermedios sexan aliados estratéxicos no desenvolvemento dos fondos e nas iniciativas vinculadas á recuperación, e, en concreto, no despregue dos Next Generation, e que se garanta unha dotación económica dos mesmos.
“Só así conseguiremos que estes recursos cheguen realmente ó territorio, que respondan ás necesidades reais da cidadanía e do tecido produtivo, e que teñan unha verdadeira capacidade transformadora, como é o seu obxectivo”, subliñou o Presidente, “porque as administracións locais son as máis próximas ós veciños e veciñas, polo que son as que mellor coñecen a súa realidade e as súas necesidades”. Así mesmo, as deputacións, como demostraron durante a pandemia e como o fan cada día coa súa xestión, “xogan un papel imprescindible de cooperación cos concellos, sobre todo cos máis pequenos, favorecendo a cohesión social e o equilibrio territorial”, asegurou José Tomé.
Neste sentido, o Presidente subliñou que a Deputación de Lugo e en xeral as institucións provinciais “fixemos fronte de maneira eficaz ó impacto da pandemia, sen ter experiencia en situacións de emerxencia coma esta, e a pesar de non contar con ningún recurso económico extraordinario, como si recibiron tanto o Goberno central como as comunidades autónomas, no noso caso, a Xunta de Galicia”.
José Tomé reivindicou por todo isto que a FEMP siga negociando co Goberno central que as administracións locais teñan un papel estratéxico no desenvolvemento dos fondos, pero tamén destacou a necesidade de que as comunidades autónomas, no caso de Galicia, a Xunta, garanta a cogobernanza cos concellos e coas deputacións no deseño dos plans e iniciativas financiadas cos fondos europeos e a súa participación na dotación e na xestión destes importantes recursos económicos, algo que ata o momento non está ocorrendo, pois non se está dando ningún tipo de colaboración da administración autonómica coas entidades locais neste eido.
Conferencia de Presidentes e Presidentas de deputacións
Por outra banda, no Pleno da Comisión de Deputacións, Cabidos e Consellos Insulares celebrado hoxe en Almería acordouse a celebración da V Reunión de Presidentes e Presidentas de Deputacións no vindeiro mes de maio en Valencia. O encontro será organizado por primeira vez en coordinación entre a FEMP e a Fundación Democracia e Goberno Local -a entidade que ata o de agora o organizaba en solitario-, e servirá para que as institucións provinciais aborden necesidades e problemas conxuntos, como é o caso do reto demográfico, entre outros.
Tras a reunión da Comisión de Deputacións deste venres, a seguinte celebrarase no mes de xaneiro na provincia de León.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
