Lugo, 30 de setembro de 2021. O PP da provincia de Lugo lémbralle aos socialistas que “é o Goberno do PSOE o que está a protexer ao lobo antes que aos gandeiros”. Os populares explican, ademais, que “a Xunta xa está a intervir na defensa dos gandeiros e dos veciños da Mariña e doutras comarcas afectadas na provincia polos numerosos ataques do lobo”. Polo tanto, cren que “o PSOE ten moita cara” ao “esixir á Xunta o que non lle esixen ao Goberno de Sánchez que vén de incluír ao lobo na listaxe de especies silvestres en réxime de protección especial (LERPE) a pesar de contar coa oposición da Xunta e doutras comunidades lobeiras”.
O PP chama aos socialistas lucenses a “ser consecuentes” e, “se de verdade queren apoiar aos gandeiros, sumarse á ofensiva da Xunta e das comunidades do Cantábrico que veñen de recorrer ante os tribunais a protección que o Goberno de Pedro Sánchez dá ao lobo”.
Explican tamén dende o Partido Popular da provincia de Lugo que, trala aprobación da orde ministerial, “a potestade das Comunidades Autónomas e os seus plans de xestión decaen en favor do Ministerio, que foi quen quixo ter esa competencia e quen debe solventar os posibles danos que cause o lobo”.
Galicia, Asturias, Cantabria e Castela e León presentaron un recurso contencioso-administrativo ante a Audiencia Nacional e solicitaron a suspensión cautelar da orde ata sentenza firme dos tribunais por estar repleta de incoherencias coma a falta de motivación científica, as dúbidas sobre a tese que di que o censo ao norte do Douro non se vai incrementar, que contempla unha previsión económica de só 25.000 euros e que entrou en vigor sen período transitorio.
Os socialistas poñen a Sánchez por riba dos lucenses
A posición do PSOE en Lugo causa sorpresa, frustración e indignación porque, unha vez máis, e hai outros moitos exemplos dabondo nesta comarca -como ante a crise de Alcoa, Ence ou Vestas-, están do lado da Moncloa cando dá as costas reiteradamente á Mariña e aos galegos.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
