Lugo, 26 de outubro de 2021. “Esixen aos demais o que vostedes non fan na Deputación”. Así de contundente o afirmou o voceiro do Grupo do PP, Javier Castiñeira, ante a moción do goberno provincial para reclamar fondos á Xunta de Galicia. E é qque, segundo revelou, no que vai de 2021, os alcaldes da súa formación asinaron 0 convenios da Deputación, fronte aos 17 co PSOE e aos 12 co BNG.
Os datos dados por Castiñeira revelan cales son as prioridades do executivo de Tomé, sobre todo, se se ten en conta que a formación nacionalista tan só goberna en 4 dos 67 municipios da provincia. Ademais, indicou, “son das poucas Deputacións que non deu axudas directas ao tecido económico e que incluso non apoiou proxectos como os de AJE para optar aos Fondos Next Generation”.
Por este motivo, e avalado por ditas cifras, Castiñeira afeou ao equipo de goberno que diga que o investimento que prevé realizar a administración o vindeiro exercicio na provincia careza de diálogo coas entidades locais e que non estea ao servizo do tecido produtivo, sobre todo, expuxo, “cando nin nos escoitan, nin tan sequera nos deixan entrar nos edificios que son desta Deputación”.
Para seguir desmontando os argumentos de socialistas e nacionalistas, o voceiro do PP detallou as principais partidas, poñendo en valor o esforzo inversor previsto polo Goberno galego en 2022. É o caso do corredor de Sarria; a estrada de Folgoso do Courel e a de Begonte-Friol-Palas; a VAC de Xove; as depuradoras de Viveiro, Burela ou Foz; entre outras actuacións.
Por este motivo, o voceiro do PP lamentou a exposición dos dous grupos de esquerda, afirmando que, ademais, “son uns orzamentos sociais e que baixan impostos”, a diferenza, dixo, “do que lles gusta a vostedes, que é tirar do peto dos españois subíndolles a gasolina ou as peaxes”.
A explicación dada polo equipo de goberno sobre o Porto Seco tampouco convence aos populares. E é que, ao igual que no caso da VAC da Viveiro, esta infraestrutura está bloqueada polo Goberno do Estado. “Cando lle digan ao PP o que queren facer coa de Viveiro, farase o mesmo que coa de Xove; cando o seu Goberno desbloquee os accesos ao Porto Seco, a Xunta de Galicia executará o proxecto”. Sobre esta última infraestrutura, lembrou que nin tan sequera os organismos estatais informaron favorablemente. Castiñeira advertiu que tanto o ADIF, como a Confederación Hidrográfica e a Demarcación de Estradas presentaron informes negativos sobre o mesmo.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
