Burela, 6 de novembro, 2021. O duelo de rivalidade directa afastouse esta tarde de Vista Alegre con 3-6 ante Aspil Jumpers Ribera Navarra. Ao Pescaos Rubén Burela doeulle demasiado o rápido gol do rival, que soubo aproveitar as súas opcións para marchar ao descanso con vantaxe de 0-3. Na segunda parte, os galegos encomendaron a remontada ao xogo de cinco, aínda que a cada recompensa dos burelistas os visitantes souberon reaccionar aproveitando a porta baleira.
Recibiu o xerro de auga fría demasiado cedo o conxunto galego, aos 42 segundos, cunha volea de Pintinho en rexeite. Tentaron remar os burelistas, dirixidos esta tarde por Rafa Merino por problemas de saúde de Riquer. Renato e Pitero puxeron a proba a Marcão. Edu freou o disparo afastado de João no 6 pero nada puido facer ante a chegada do navarro tan só un minuto despois, aproveitando unha perda de saída laranxa. Dispuxeron de dúas grandes ocasións os galegos para reducir distancias, con Pazos no 8 e o pau como verdugo, e en xogada ensaiada no 11 ante o pé salvador de Terry. E de novo souberon sacar rédito os de Pato no seu perigo para poñer o 0-3, no 14, con Gabriel en parede con João, tras tentativa de corte local. Marcão volveu facerse grande ante o Pescados Rubén no 17, coa chegada de Iago Míguez ao segundo pau no pase de Renato.
No 25, os galegos apostaron por xogo de cinco para a remontada. Non aproveitaron no trepidante contraataque de David Pazos no 28 pero si o fixo Aspil segundos despois en recuperación culminada por David a pase de Gabriel. Non baixaron os brazos os da Mariña, reaccionaron de forma inmediata co 1-4 de Quintela avalados na fortaleza do porteiro xogador. Cando mellor se atopaba o Pescados Rubén chegou o quinto visitante, a porta baleira, no 32. Renato reavivou o ímpeto da escuadra burelista con case cinco minutos para a bucina, cun trallazo para o 2-5. A Xoia Laranxa serviulle ao segundo pau o terceiro a Isma no 38. O definitivo 3-6 chegou a 4 segundos para a bucina, a porta baleira.
Ficha técnica
Pescados Rubén Burela FS: Edu, Iago Míguez, Renato, David Pazos, Wanderson, cinco inicial; tamén xogaron Pitero, Isma, Quintela, Álex Diz, Levi, Lucho
Aspil Jumpers Ribera Navarra: Marcão, David, Anás, Pintinho, Terry, cinco inicial; tamén Gabriel, Nacho, João Miguel, Kadinho, Espín, Uge
Goles: 0-1, minuto 1, Pintinho; 0-2, minuto 7, João Miguel; 0-3,minuto 14, Gabriel; 0-4, minuto 29, David; 1-4, minuto 29, Quintela; 1-5, minuto 32, David; 2-5, minuto 36, Renato; 3-5, minuto 38, Isma; 3-6, minuto 40, Uge
Árbitros: González Moreta // Sánchez Chamorro. Por Burela amarela para Lucho, Wanderson, Quintela, Levi. Por Ribeira amarela a Espín
Incidencias: Partido correspondente á xornada 5 de Primeira Masculina disputado en Vista Alegre coa presenza do representante do CNFS da RFEF Luís Amado e o vicepresidente da RFGF, Pablo Prieto, entre outras autoridades.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
