Viveiro, 25 de decembro de 2021. O Concello de Viveiro deu esta semana pasos decisivos para a tramitación definitiva do seu Plan Xeral de Ordenación Municipal (PXOM), unha ferramenta imprescindible e primordial para o desenvolvemento do municipio en diferentes eidos, como o urbanístico e o industrial.
O pasado mes de setembro, e co obxectivo de axilizar o proceso, celebrouse en Santiago unha reunión solicitada pola alcaldesa de Viveiro, María Loureiro, cos responsables da Axencia Galega de Infraestruturas (AXI) e a presenza de todos os grupos políticos municipais.
Nese encontro quedaron claras as modificacións que había que introducir no documento inicial e, desde ese momento, o equipo redactor do PXOM mantivo varios encontros cos técnicos da Xunta e traballou de forma intensa para axilizar a tramitación.
O Concello de Viveiro xa ten desde esta semana o texto definitivo, que remitirá este luns, día 27 de decembro, ás administracións competentes. Ao mesmo tempo, o concello traballa no estudo das alegacións presentadas para incorporar as que considere pertinentes.
“Estamos convencidos de que o documento é agora correcto, coas modificacións que demandou a Xunta; o Concello de Viveiro está cumprindo, axilizando os traballos e todos os requerimentos, polo que demandamos ao resto das administracións a mesma axilidade; Viveiro necesita o PXOM o antes posible”, asegura a alcaldesa María Loureiro.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
