Vilalba, 15 de xaneiro, 2022. O presidente dos populares galegos, Alberto Núñez Feijóo, asegurou nun acto conmemorativo polo décimo aniversario do falecemento de Manuel Fraga que a mellor homenaxe que se lle pode facer é continuar co seu legado de construír un PP maioritario en Galicia e en España.
Despois da ofrenda floral celebrada en Vilalba, indicou que, nun momento no que hai partidos que queren dividir, o PP ten que continuar sendo a casa común na que un amplo espectro de persoas e de sensibilidades se sintan integradas e representadas, xa que só unidos poden ser unha alternativa aos executivos socialistas, populistas e independentistas que gobernan a Administración Xeral do Estado e algunhas Comunidades Autónomas.
Nese senso, sinalou que, ante os ataques constantes e continuados que sofren a Constitución e as nosas institucións -incluso por parte dos membros do Goberno e dos seus socios-, o Partido Popular debe seguir manténdose como unha garantía de reformismo tranquilo que traballa para mellorar, continuar estando á altura do pobo ao que representa e demostrando que o desprestixio institucional tamén supón o desprestixio dun país.
Así mesmo, fronte aos partidos que queren importar á nosa Autonomía derivas independentistas, manifestou que o PP vai continuar defendendo a Galicia española e europea, avanzando por unha Comunidade aberta e sen complexos, crendo nunha terra moderna e ensanchando as súas bases. “Imos seguir apostando por Galicia”, engadiu.
FUNDADOR DO PARTIDO E PAI DA CONSTITUCIÓN
Durante a súa intervención, Feijóo destacou a importancia de Fraga na nosa historia política, unha “figura fundamental” da que resaltou a súa extraordinaria capacidade de traballo e determinación. Sobre isto, lembrou que o político vilalbés é o fundador do gran partido de centrodereita en España -chegando a conseguiu ser un gran punto de encontro para conformar a anhelada “maioría natural”- e que é un dos pais da Constitución que trouxo ao país liberdade, benestar e igualdade.
Tras salientar que Fraga é o líder que durante máis tempo presidiu a Xunta, puxo en valor que baixo o seu mandato se desenvolveron todas as institucións estatutarias, Galicia gañou prestixio nacional e internacional, acuñouse o termo bilingüismo cordial na Lei de Normalización Lingüística e logrou que os galegos do exterior se sentiran máis galegos.
O ORGULLO DE SUCEDER A FRAGA
O presidente do PPdeG tamén se referiu á gran responsabilidade e enorme orgullo que supuxo coller o testemuño de Fraga, remarcando que xestionar o seu legado non cabe nun tuit, non permite delegar esa xestión a un consultor e non ten cabida na frivolidade que impera hoxe na política nacional. Igualmente, admitiu que os populares galegos continúan coa mesma vocación do fundador do partido: Galicia por encima de todo.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
A convocatoria foi realizada polo Concello para amosar a solidariedade de Ribadeo con esta catástrofe natural.
