Santiago de Compostela, 1 de febreiro de 2022. O BNG centrará os debates da vindeira sesión plenaria sobre os dereitos dos mozos e mozas a desenvolver un proxecto de vida autónomo, o desenvolvemento eólico e as políticas depredadoras do Partido Popular e a proposta de crear “unha única rede de servizos sociais.
A viceportavoz do Grupo parlamentario do BNG, Olalla Rodil, deu conta dos debates propostos polo BNG na Xunta de portavoces entre os que destacou, a solicitude da conselleira de Medio Ambiente para que explique porqué abandonou a reunión do Consello de Medio Ambiente e Desenvolvemento Sostible na que os axentes sociais lle pedían someter a votación os “desmáns da Xunta diante deste boom eólico depredador que está destrozando o territorio e medio ambiente, só para beneficio das empresas enerxéticas”.
Rodil explicou que a conselleira, saltándose a lei como acaba de sinalar, por terceira vez, o TSXG coa sentenza do parque eólico do Roncudo, fixo o que mellor sabe facer “saír correndo e escapar para non dar explicacións”.
Rodil avanzou que a pregunta da portavoz nacional do BNG, Ana Pontón a Feixóo será sobre o dereito da mocidade galega a emanciparse e desenvolver un proxecto de vida autónomo. Neste sentido, lembrou que onte mesmo, a portavoz nacionalista visitou un piso de estudantes no que puido conversar con varias mozas e mozos e falar das condicións de vida que teñen hoxe moitas persoas menores de 30 anos en Galiza.
Que vai facer a Xunta para que a mocidade galega deixe de estar “á cola da emancipación no conxunto do estado”, segundo os datos cola so datos do INJUVE. “Emanciparse en Galiza é case misión imposible para a xente moza.” As persoas que teñen entre 30-34 anos, nun 40%, vense obrigadas a seguir na casa familiar e representa a segunda peor taxa de emancipación do Estado nesta franxa de idade.
Por outra parte, engadiu, o último informe da EPA, no último trimestre, o 23% da mocidade galega está desempregada e as mozas e mozos que teñen traballo fano en condicións precarias: traballos temporais e sen chegar a seren mileuristas.
O BNG tamén levará ao pleno o desenvolvemento eólico e as políticas “depredadoras do Partido popular”. Neste sentido, o BNG solicitou a comparecencia da Conselleira de Medio Ambiente e interpelará ao goberno sobre a política eólica da Xunta porque o “ PP está poñendo a Galiza ao servizo dos intereses dun puñado de eléctricas saltándose se é necesario a lei tanto galega como a europea”.
“O PP mantén consciente e interesadamente un Plan eólico dos anos 90 que está moi lonxe dos estándares ecolóxicos e sociais do século XXI”, remarcou.
Finalmente, o BNG defenderá unha Proposición non de Lei, impulsada pola CIG e avalada por milleiros de sinaturas, para que o Sistema Público de Servizos de Atención ás persoas quede integrado “nunha única rede de servizos socias” que acolla á atención nos servizos de día, á discapacidade, axuda no fogar, as casas niño e do maior, o xantar na casa ou o transporte adaptado.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
