Viveiro, 4 de febreiro, 2022. O sector das conservas de peixe amenceu hoxe de novo practicamente paralizado como consecuencia do terceiro día de folga para reclamar un convenio colectivo digno. Ao igual que nas dúas xornadas anteriores, centos de traballadoras/es botáronse á rúas en Vilagarcía, Vigo, Boiro e Celeiro (Viveiro) en defensa das súas condicións laborais.
As principais empresas da industria conserveira galega permaneceron sen actividade por efecto duns paros cuxo seguimento non parou de medrar dende a primeira xornada de folga, celebrada o pasado 21 de xaneiro. Ao igual que no día de onte, na cidade de Vigo unha concorrida manifestación percorreu a distancia ente o edificio da Xunta e a sede da Confederación de Empresarios de Pontevedra. En Vilagarcía celebrouse unha concentración na praza de Galiza, en Boiro tivo lugar outra manifestación e en Celeiro houbo unha
concentración diante de conservas Albo.
Dende a FGAMT-CIG amosaron a súa satisfacción polo novo exemplo de dignidade das traballadoras/es da conserva. “Grazas polo voso compromiso coa loita por un convenio digno, é un orgullo ter este equipazo de persoas loitando polos nosos dereitos”, manifestou unha representante da central sindical ao remate da protesta de Vilagarcía.
Durante a intervención sinalou que hoxe remata “o primeiro lote” de convocatoria de folga, “pero a nosa loita non remata hoxe e non rematará ate conseguirmos un convenio digno para as persoas traballadoras do sector da conserva”. En concreto, un convenio que garanta o poder adquisitivo, que supoña “dunha vez por todas” a igualdade retributiva de homes e mulleres, no que fenda salarial “pase a formar parte da historia”.
Un convenio que recolla as garantías legais para que o establecemento da quenda de fin de semana “en ningún caso, absolutamente en ningún caso” supoña a modificación das actuais persoas traballadoras do sector e que sirva exclusivamente para a creación de emprego a través das empresas e non das ETT.
“E para conseguirmos isto, desde aquí e como CIG queremos mandarlle unha mensaxe clariña
patronal deste sector: señores e señoras da patronal, cometeron un erro anulando a reunión do pasado 27 de xaneiro e volveron a cometer un erro rompendo a mesa de negociación o pasado 2 de febreiro”.
Por iso instou o empresariado a emendar os erros cometidos, “e para iso pedímoslle que convoque con urxencia a mesa de negociación, que acudan con vontade negociadora para acadar un acordo definitivo e que deixen de utilizar os medios de comunicación para intimidarnos e desdicirse das propostas trasladadas na mesa de negociación”.
Neste senso, reiterou a dispoñibilidade das centrais sindicais para continuar co proceso de negociación do convenio canto antes, “pero tamén dende aquí décimos alto e claro que a nosa disposición a negociar non implica vender os dereitos das persoas afectadas polo convenio das conservas de peixe”.
Finalmente, dirixiuse ao persoal do sector para adiantarlle que ao longo da vindeira semana terá cumprida información dos acontecementos, “e que non vos quede ningunha dúbida de que se a patronal se nega a retomar o proceso de negociación haberá novas convocatorias de mobilización porque esta loita ten un obxectivo claro: conseguir un convenio xusto para o sector da conserva; e mentres non o consigamos, a loita continúa”
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
