Burela, a 4 de febreiro de 2022. O Grupo Municipal Popular desafía ao señor Llano e ao seu goberno a publicar os prezos que se van a aplicar en virtude do “taxazo” aos veciños e a clasificación por categorías en función de onde residan aprobado no pleno deste xoves polo goberno local co apoio do BNG. O voceiro popular explica que “durante a sesión plenaria o alcalde indicou, sorprendentemente, que esta ordenanza vai baixar as taxas. Unha mentira pública máis do señor Llano que foi incapaz de dar unha soa tarifa dos 15 conceptos que regula a ordenanza”.
Os populares aseguran que “esta ordenanza encarécelle a vida a todo o pobo de Burela co consentimento dos dous partidos que están a lastrar o futuro da nosa vila”. Por poñer algúns exemplos: “a ordenanza recolle un incremento do 85% por metro cadrado das terrazas e do 11% no prezo do metro de andamiaxe para as vías denominadas de categoría 1 en ambos casos”.
O voceiro popular, Manuel Rouco, pregúntase: “quen pode pensar que o señor Llano e o seu goberno son quen de botar as contas da subida salvaxe das taxas con esta ordenanza se ano tras ano apreciamos a falta de planificación do gasto municipal que, neste ano en concreto, se evidencia ao ter que recorrer a un recoñecemento extraxudicial de crédito de máis dun cuarto de millón de euros no primeiro mes do ano”.
Os populares aseguran tamén que “o voceiro do BNG, pola súa banda, o único que fixo no pleno foi vender fume, moi ao estilo do señor Llano, ao tratar de xustificar o seu apoio ao grupo de goberno dicindo que conseguiran que non se lles aplicara a taxa de expendeduría na quenda de garda ás farmacias; cando xa non se lles cobra debido a unha sentenza xudicial que favorecía ás farmacias de Burela”, explica Rouco.
Falta de coñecemento da historia de Burela
O voceiro do Grupo Municipal Popular de Burela, Manuel Rouco, advirte da “falta de coñecemento da historia de Burela que teñen tanto o alcalde coma o voceiro do BNG”. Así o entende ao votar en contra da proposta dos populares para “homenaxear, coincidindo co 40 aniversario do seu falecemento, ao que fora alcalde, Arcadio Pardiñas, e aos membros das corporacións que asentaron os cementos da Burela actual”.
Rouco considera “triste” que “ámbolos dous se escuden en consideracións ideolóxicas para non apoiar este recoñecemento ás persoas que representaron ás familias de Burela na súa época que loitaron, durante unha época controvertida, polo pobo que hoxe coñecemos. Fixo as xestións en Madrid para poder construír o porto, a traída de augas, as xestións para adquirir os terreos nos que hoxe se asenta o Hospital da Mariña e un longo etcétera de obras que perduran hoxe en día”.
PSOE e BNG, en contra da instalación de puntos de recarga de vehículos eléctricos
En relación á proposta dos populares de instalar puntos públicos de recarga para vehículos eléctricos “o que demostraron os voceiros do PSOE e BNG é que se opoñen a que Burela lidere A Mariña, neste caso en materia de descarbonización, ao ser o primeiro da comarca en poñer a disposición dos veciños este tipo de servizo de futuro”.
Concretamente, “o señor Llano dixo que o prezo da luz estaba polas nubes. Neste caso botamos en falta -xa que o alcalde recoñeceu que o prezo da luz é insostible, algunha iniciativa por parte do seu goberno para instar ao Goberno central, tamén do PSOE, a tomar medidas que permitan a redución da tarifa eléctrica”, incide Rouco.
E, pola súa banda, “o voceiro do BNG, o señor Pillado, aludiu á falta de interese na adquisición de vehículos eléctricos para opoñerse á implantación desta tecnoloxía considerada verde. Pero como vai haber interese en mercar este tipo de vehículos se non se poñen os medios para facilitar a súa recarga?”, se pregunta o popular.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
