Foz, 28 de marzo, 2022. Nos últimos meses asistimos a unha suba brutal de prezos de produtos e servizos básicos que ten como consecuencia perda de poder adquisitivo e empobrecemento das clases populares. Na práctica, estamos diante dunha desvalorización monetaria, que se traduce nun abrupto empobrecemento da maioría da sociedade. Quen chegaba a fin de mes con dificultades, hoxe xa non chega e quen xa non chegaba, agora moito menos. O BNG de Foz reclama garantir dereitos e unha vida digna para as clases populares galegas. As persoas que cobran o mesmo salario ou pensión que hai un ano, pagan moito máis cara a electricidade, os carburantes, a bombona de butano, a cesta da compra ou o aluguer . Mentres moitas familias non poden pagar a luz ou a calefacción, as tres grandes eléctricas gañan en 2021 máis de 6.500 millóns de euros e só o presidente Iberdrola, Sánchez Galán, embolsou 13,2 millóns de euros, 8% máis que en 2020. É simplemente indecente.
E, frente a esa realidade, o Goberno fala de contención salarial e dun ‘Pacto de rendas’. E a Xunta de Galiza reclama ao goberno renunciando as sua competencias. Isto significa o asalto ás rendas do traballo para salvar as do capital. A estratexia que deberían adoptar as administracións, pasa por medidas como as que defende o BNG de Foz, por iso propon insta ao pleno do Concello de Foz a instar a Vicepresidenta Primeira do Goberno do Estado e ministra de Asuntos Económicos y Transformación Digital a baixar o IVE de alimentos básicos e de productos de hixiene, a subida de salarios e das principais prestacións sociais conforme ao IPC, aumento de pensións mínimas, unha reforma fiscal profunda; a intervención no mercado da enerxía e a vivenda para garantir dereitos e vida digna;. Así mesmo, instar a recortar os beneficios das empresas eléctricas e desvincular os prezos de gas e electricidade. Tamén instará á Xunta de Galiza a reclamar as mais de 2000 vivendas do SAREB no noso país para poñelas a dispor das rendas mais baixas e empregarse como vivendas sociais, tamén á Xunta á debida Protección do sector agro-gandeiro e marítimo-pesqueiro evitando a venta a perdas, impulsando a compra pública de pensos para garantir a subministración e a impulsar axudas e bonificacións po lo incremento dos custos de producción. Estas e outra propostas deberían ser aceptadas no vindeiro pleno do Concello de foz
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
