A Deputada de Economía, Recadación, Facenda e Contas, Mayra García Bermúdez, participou nun foro organizado pola asociación Patrimonio Laurentino e o Concello arredor da figura deste ilustre lucense no que estivo o reitor da Universidade de Santiago e o presidente da Real Academia Galega
Lugo, 18 de xuño de 2022. A Deputada de Economía, Recadación, Facenda e Contas, Mayra García Bermúdez, participou este sábado na II Xornada dedicada a Francisco Fernández del Riego Unha vida dedicada a facer país, que acolleu o Mosteiro de San Salvador de Vilanova, en Lourenzá. Un acto que xirou arredor das conferencias do reitor da Universidade de Santiago, Antonio López, e do presidente da Real Academia Galega, Victor Fernández Freixanes, que afondaron arredor da figura deste ilustre laurentino.
A Deputada felicitou á asociación Patrimonio Laurentino e ao Concello de Lourenzá por organizar esta cita dedicada a estudar, recoñecer e lembrar a figura deste lucense universal e ilustre. “O compromiso de Fernández del Riego coa lingua e coa cultura galega foi constante ao longo dos seus 97 anos dunha vida lonxeva, plena de actividade, cunha lucidez de análise e cunha capacidade de traballo que o acompañaron sempre”, explicou García Bermúdez.
Puxo o foco en que a súa figura non admite ben á síntese, xa que foi escritor, editor, columnista e divulgador, entre outras facetas. “É complexo resumir en poucas palabras a dimensión total do seu traballo. Pódese dicir sen esaxerar que o galeguismo e a cultura galega que hoxe coñecemos non terían sido a mesma sen a súa figura”. Detallou a Deputada que “Fernández del Riego sempre mantivo o amor pola súa terra. Salvador Lourenzá foi o seudónimo co que firmou moitos escritos en prensa, e demostrou que os maiores logros no eido cultural poden xurdir de calquera vila do rural galego”.
“Estou segura de que, como home do rural e da cultura, Don Francisco estaría hoxe moi contento de ver xuntos na súa vila ao presidente da Real Academia Galega e ao Reitor da Universidade de Santiago de Compostela porque, se dende as vilas xurde o mellor da nosa cultura, é importante que as institucións que a representan manteñan esa ligazón co rural”, subliñou na súa intervención.
Expuxo García Bermúdez que “falar de Fernández del Riego en Lourenzá supón, por iso, pechar un círculo simbólico. O dun neno que sae da súa aldea para converterse nun galego universal, e que, mesmo logo de deixarnos, segue sendo un estímulo para que non esquezamos a importancia de apostar pola formación e pola cultura. O acceso ao ensino público e a conexión cos circuítos culturais son, sen dúbida, ferramentas imprescindibles para garantir o futuro do rural”, afirmou. E nesas reivindicacións de educación e cultura, “a Deputación de Lugo está sempre a carón dos concellos, apoiando as súas reivindicacións e apoiando iniciativas como esta. Iniciativas que nos din que debemos falar de cultura tamén no rural, ese rural que estivo sempre no corazón de Francisco Fernández del Riego”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
