A Mariña, 15 de xullo de 2022. A partires do vindeiro luns, 18 de xullo, os Concellos de Foz, Cervo e Viveiro contarán co servizo de aluguer de auriculares para as súas audioguías ficcionadas que se unen aos de Alfoz, Lourenzá, Ribadeo e Mondoñedo. Ata finais de setembro será gratuíto coa finalidade de que cada vez mais xente coñeza este produto de turismo cultural, que é pioneiro en España.
O pasado mes de abril a Mancomunidade de Concellos da Mariña Lucense presentaba no Cenima dúas novas audioguías ficcionadas para Foz e Sargadelos, en Cervo, mais as traducións ao castelán das de Alfoz e Lourenzá, que se uniron ás impulsadas para Mondoñedo, Ribadeo e Viveiro. Trátase dn proxecto polo que este ente leva apostando dende o ano 2018 coa colaboración da Deputación Provincial de Lugo e Turismo de Galicia da Xunta.
Dentro do Plan de Sostibilidade Turística na Mariña Lucense 2022 – 2024, co financiado pola Mancomunidade, a Xunta de Galicia e a Secretaría de Estado de Turismo, e que conta cunha liña específica para a consolidación deste produto, o ente xestor do xeodestino adquiriu unha serie de auriculares e material reprodutor para a posta en marcha do servizo de aluguer nos concellos con audioguía que faltaban: Foz, Cervo e Viveiro. Así mesmo, estase traballando na tradución ao castelán, inglés e francés para dispoñer destas versións en cada caso, co obxectivo de ampliar o público que poida ter acceso a este produto ao longo do ano, que busca poñer en valor a historia local.
O presidente da Mancomunidade, Fran Cajoto, lembrou que “dende a Mancomunidade vense traballando na dinamización e promoción da Mariña Lucense como un destino turístico rico e diverso, onde produtos asociados a un visitante curioso, respectuoso e sensible co territorio como é o turismo slow e sostible, aplicado ao turismo cultural, de natureza, gastronómico, entre outros, funcionen como produtos tractores da demanda turística ao territorio. Neste contexto, o obxectivo de traballar na consolidación das audioguías ficcionadas, é o de achegar valor aos visitantes e tamén á propia veciñanza a través de experiencias diferenciadoras, favorecendo a súa permanencia e a desestacionalización, fortalecendo o posicionamento da Mariña Lucense como destino slow, sostible e de calidade”.
E engadiu que “estas audioguías son unha iniciativa de turismo cultural pioneira en España, deseñadas e elaboradas polo Grupo Chévere, Premio Nacional de Teatro no ano 2014, resultado dun coidado proceso de documentación por parte deste equipo, identifícanse sucesos, personaxes e lugares con nome propio que serven para transmitir a idiosincrasia e esencia de cada un dos municipios. Ademais, no caso de Lourenzá, temos a sorte de poder coñecer un pouco mais sobre Vilanova e Francisco Fernández del Riego, a quen o próximo ano se lle dedicará o Día das Letras Galegas”.
Así co obxectivo de poñer en valor estas audioguías e dalas a coñecer entre o público local e os numerosos turistas que se achegan durante estes meses á Mariña, os municipios escenarios das mesmas contarán ata finais de setembro co servizo de auriculares illantes que aseguren a mellor das experiencias de xeito gratuíto. Para iso, as persoas interesadas terán que achegarse ata as oficinas de turismo municipais destes concellos, a excepción de Cervo que será no Museo Histórico de Sargadelos, e solicitar este servizo, así mesmo seguirá existindo a posibilidade da descarga ou reprodución gratuíta cos dispositivos de cada quen dende a web amarinalucense.gal. A partir de outubro este servizo pasará a ter un prezo simbólico de 2 euros para persoas adultas e nen@s gratis ata 12 anos.
A xerente do Plan de Sostibilidade Turística na Mariña Lucense, Tania Hermida, indicou que “as audioguías son un recurso complementario das visitas con guía a realizar en calquera época do ano, permiten as visitas individualizadas, en parella ou en pequenos grupos, sen cita previa e incluso nos días en que as oficinas de turismo están cerradas por descanso, vacacións, etc. Ademais, cada audioguía ten un enfoque diferente que busca provocar a curiosidade e promover que se fagan os diversos paseos e, polo tanto, que as persoas permanezan mais tempo na comarca cun maior coñecemento da mesma”.
E lembrou que “tamén se trata dunha ferramenta fantástica para conservar rexistro e divulgar algúns acontecementos históricos e voces deste territorio así coma para a comunidade educativa da Mariña e de fóra dela, nas que apoiarse para saídas e actividades cos alumnos e alumnas”.
Fran Cajoto tamén quixo subliñar que “coa finalidade de introducir posibles modificacións ou novidades que se deron no xeodestino nos últimos meses vimos de actualizar a guía A Mariña Lucense ao descuberto en galego e castelán na súa versión dixital, que está dispoñible na web amarinalucense.gal, para presentar aos profesionais que atenden as oficinas de turismo, ao sector privado e a todo o mundo que nos visita un documento revisado e actualizado á data actual. Trátase dunha actuación que desenvolvemos coa colaboración da Deputación de Lugo e Turismo de Galicia da Xunta”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
