Ribadeo, 3 de agosto de 2022. A concelleira de Obras, Mónica Freire, asegura que a Xunta recúa e recoñece agora que a rehabilitación do CEIP Gregorio Sanz está financiada por fondos europeos.
Para a edil ribadense “o que demostra este feito é a teima da Xunta de Galicia, e tamén do voceiro do PP local, de inventarse realidades paralelas buscando unicamente réditos políticos. Se estaban tan seguros, como eles dicían, por que recúan agora, tragan o sapo de recoñecer o que tiñan que ter feito desde o principio, e facelo sen poñer en risco o financiamento destas obras tan importantes para Ribadeo”.
Freire Rancaño manifesta: “desde o goberno municipal aplaudimos a rectificación da Xunta de Galicia neste asunto, que vén agora recoñecer que o que levamos dicindo desde o equipo de goberno de Ribadeo desde fai meses é certo”.
A concelleira de Obras lembra que “no pasado pleno do mes de maio desde o noso grupo presentamos unha moción onde esixiamos á Xunta que cumprira as súas obrigas en materia de publicidade dos fondos europeos, xa que de non facerse así poríase en risco a axuda recibida para a rehabilitación do Gregorio Sanz. Explicábase nesa moción, que no cartel de obra, a Xunta de Galicia omitía conscientemente os logos e as referencias aos fondos europeos que se recibían para este fin, feito que incumpría as condicións para recibir ese diñeiro”.
Mónica Freire sinala que “coa colocación deste novo cartel, iso si con nocturnidade e aleivosía durante o mes de agosto, a Xunta de Galicia cumpre por fin coas súas obrigas legais (como temos que facer tódalas administracións), publicitando a procedencia europea dos fondos que financian estas obras no colexio”.
A edil nacionalista subliña que “desde o Concello de Ribadeo conseguimos deste xeito que esta axuda de practicamente 1.000.000 de euros non perigue pola neglixencia e irresponsabilidade da Consellería de Educación, nin polo afán do voceiro local do Partido Popular de vender fume durante meses a base de mentiras e calotes, sen importarlle poñer en perigo estas importantes obras. Desde logo que esta é unha pequena gran vitoria para Ribadeo, en primeiro lugar porque avala que o case millón de euros de fondos europeos poida dedicarse con tódalas garantías a financiar a obra de reforma do CEIP Gregorio Sanz, e en segundo lugar, porque pon no seu sitio a aqueles embusteiros que cos seus enganos e mediocridades pretenden simular facer política enganando á veciñanza do noso concello”.
E engade: “como dicía aquel filósofo grego as mentiras gañan bazas, pero a verdade gaña o xogo, e neste caso gañamos todas e todos”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
