O portavoz do Grupo Provincial Popular pon como exemplo o centro residencial proxectado na Pobra do Brollón tras coñecer que a Deputación suspendeu o inicio das obras adxudicadas a unha segunda empresa, despois de anular o contrato coa primeira adxudicataria
A Pobra do Brollón, 3 de agosto de 2022. O voceiro do Grupo Provincial Popular, Javier Castiñeira, denuncia dende A Pobra do Brollón “a nefasta xestión do goberno da Deputación de Lugo en materia de atención social” en relación ao proxecto de construción dunha residencia neste municipio.
O popular explica que “o centro de atención a maiores deste municipio foi prometido xa no ano 2018 con fins electoralistas; xa que foi pouco antes das eleccións municipais do 2019. Pero, pasados catro anos non hai feito case nada”. Polo tanto, “é un engano que prexudica aos veciños e veciñas”.
Concretamente, no ano 2018 o Concello e a Deputación firmaban o convenio para o financiamento da obra. Posteriormente, a entidade provincial a comezos do 2019 sacou unha primeira licitación, pero a mediados do 2020 acabou resolvéndose o contrato coa primeira adxudicataria. Máis tarde -en outubro do 2020- volveuse sacar unha nova licitación, adxudicouse a obra en xuño do 2021 e o procedemento estivo parado ata un ano despois cando en xuño do 2022 anunciaban o comezo das obras. Pero, recentemente, coñecemos que se aproba a suspensión do inicio da execución das mesmas. “Unha verdadeira vergoña”, manifesta Castiñeira ante os “catro anos perdidos nun proceso administrativo que parece non ter fin”.
O popular lamenta: “Non é un caso único. Xa denunciamos tamén a situación do centro residencial de maiores previsto en Cervantes e, tamén recentemente, vimos de escoitar novas sobre a residencia de Portomarín”.
“Esta é a cara escura, a que non lle gusta contar ao señor Pablo Rivera -deputado de Promoción Económica e Social- nin ao goberno provincial que presume de modelo de residencias; pero que saben perfectamente que hai moitas sombras”, segundo explica Castiñeira. “Especialmente, na súa xestión e en materia de contratación”, engade.
Revisión de prezos
O Grupo Provincial Popular leva tempo advertindo ao goberno da Deputación de Lugo que, á hora de licitar unha obra ou servizo, “debe contemplar a revisión de prezos”. En abril deste ano, os populares preguntaban ao goberno provincial se tiña previsto tomar algunha medida en relación á subida dos prezos da luz, dos combustibles e dos materiais de construción para evitar atrasos nas obras ou que as empresas adxudicatarias renunciaran a executar os traballos adxudicados; pero non obtiveron ningunha resposta.
Castiñeira cre que “nesta época inflacionista, os prezos que se están a sacar nos proxectos non se axustan á realidade. Isto despois trae consecuencias: os concursos quedan desertos ou, cando se adxudican sen que os prezos se axusten ao contexto actual, hai problemas coas empresas adxudicatarias”. Nese sentido, puntualiza: “estas cuestións levan a acumular atrasos”.
Axilidade para atender os compromisos
O popular pregúntase se este proceder do goberno provincial pode responder a que “non teña a máis mínima intención de seguir facendo as residencias”; xa que “moitas veces nos plenos poñen como desculpas para facer outras cousas que hai que atender ás residencias”.
Castiñeira cre que “o que deben é atender aos compromisos e todas esas promesas electorais. Non poden seguir atrasándose coma no caso da Pobra do Brollón”. O voceiro do Grupo Provincial Popular pide “axilidade no proceso para que os veciños conten canto antes coa residencia prometida”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
