Montse Valcárcel sinala que as advertencias do BNG dos efectos do eucalipto foron desatendidas polas Xunta durante anos
Santiago de Compostela, 20 de agosto, 2026. A portavoz de Montes e Industrias Forestais do BNG no Parlamento, Montse Valcárcel, reclama ao Partido Popular galego que aplique en Galiza as mesmas medidas que o presidente da Junta de Andalucía, Juanma Moreno, está a anunciar para reducir progresivamente as masas de eucalipto tras o incendio de Niebla, en Huelva.
A deputada nacionalista denuncia así a contradición do PP na súa política forestal e pregunta ao partido en Galiza por que defende a expansión do eucalipto no País mentres o seu presidente andaluz aposta por reducir estas masas forestais. “O que vale para Andalucía tamén ten que valer para Galiza”, sinala.
Para Valcárcel, o anuncio do presidente andaluz dá a razón ás advertencias que o BNG leva anos facendo no Parlamento galego. A deputada lembra que, durante os debates sobre a política forestal, a Conselleira de Medio Rural chegou a cualificar de “obsesión cos eucaliptos” as críticas da formación nacionalista. “A nosa non era unha obsesión, era unha advertencia”, subliña Valcárcel.
“Advertiamos de que a expansión do eucalipto ten consecuencias sobre o territorio, a biodiversidade, os recursos hídricos e tamén sobre a propagación dos incendios. Agora é o propio presidente andaluz do PP quen recoñece a necesidade de reducir estas masas e recuperar especies autóctonas”, sinala.
A portavoz de Montes do BNG no Parlamento considera especialmente contraditorio que o Partido Popular galego manteña unha posición oposta e continúe apostando pola expansión do eucalipto en Galiza. “O PP non pode presentar aquí como solución o mesmo modelo forestal que o seu propio partido identifica como un problema en Andalucía”, afirma Valcárcel, que tamén cuestiona o apoio dos populares ao proxecto de Altri e ao modelo industrial asociado á expansión do eucalipto.
“Por que apoian en Galiza a expansión do eucalipto e Altri mentres o seu presidente andaluz anuncia medidas para reducir estas masas forestais?”, pregunta a deputada nacionalista. “Apoian os eucaliptos e Altri a sabendas ou por ignorancia?”.
Fronte a este modelo, o BNG leva defendendo no Parlamento galego unha política orientada a frear a expansión do eucalipto e recuperar o bosque autóctono. Entre as súas propostas están unha moratoria indefinida e sen excepcións para novas plantacións, a retirada progresiva das masas ilegais ou situadas en zonas de especial risco e impedir a substitución de piñeiros ou bosque autóctono por eucalipto.
A formación nacionalista aposta tamén pola diversificación forestal, a creación de mosaicos de usos e a recuperación de especies autóctonas como ferramentas para avanzar cara a un monte máis resiliente e reducir o risco dos incendios. Valcárcel lembra que o PP xa rexeitou no Parlamento unha iniciativa do BNG para establecer unha moratoria indefinida e sen excepcións ás novas plantacións de eucalipto.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
