A alcaldesa de Burela explicou o seu método contra o odio que reciben os políticos nas redes sociais: “Eu nunca respondo e cando atopo os haters pola rúa pídolles que me expliquen cal é o problema ou en que non están de acordo”
Lugo, 6 de outubro de 2026. A presidenta da Deputación de Lugo, Carmela López, participou este martes na mesa de clausura do foro Territorios que lideran: o futuro comeza no local, que se desenvolveu ao longo de dúas xornadas en Santiago de Compostela, por iniciativa da Facultade de Ciencias Políticas e Sociais.
A iniciativa xuntou coñecemento académico con experiencia de xestores municipais, como a alcaldesa de Burela e presidenta da Deputación lucense. A mandataria participou nun diálogo sobre o futuro do municipalismo en Galicia que conduciu a decana da facultade, Marta Lois, e no que tamén participaron a tenente de alcaldesa de Santiago, María Rozas, e a alcaldesa de Tomiño, Sandra González.
As mandatarias falaron das súas experiencias de goberno, deténdose naquelas iniciativas que están a resultar máis transformadoras dos territorios nos que teñen responsabilidades. Neste punto, López referiuse á “transformación social” na que está a traballar en Burela. “Burela é unha vila de persoas de moitas procedencias. Iso forma parte de quen somos, pero a convivencia non sucede automaticamente por vivir na mesma rúa. Hai que crear oportunidades para coñecernos e tamén ofrecer apoio a quen o necesita para poder participar na vida da vila”, sinalou.
A rexedora faloulle ao auditorio de Políticas -formado por alumnado da facultade e do mestrado de Goberno Local e Políticas Públicas, por técnicos municipais e por académicos- do programa De Cabo a Cabo, celebrado este ano con motivo do encontro entre España e Cabo Verde no Mundial de fútbol. “Pero a convivencia non pode durar só un día. Está tamén nas actividades que levamos aos colexios para que a rapazada escoite experiencias de migración contadas por quen as viviu; na formación en idiomas; e no acompañamento social, psicolóxico e xurídico que ofrecemos”, explicou.
“Somos a primeira porta á que chaman os cidadáns e non podemos dicir que unha competencia non é nosa”
As mandatarias tamén analizaron as relacións entre os concellos e o resto das administracións (deputacións, Xunta e Estado). A alcaldesa de Burela e presidenta da Deputación pediu respecto e recursos para os concellos. “Somos a primeira porta á que chama a veciñanza. Se unha familia necesita coidados ou unha persoa non atopa vivenda para vir traballar, non lle podemos responder simplemente que iso lle corresponde a outra administración. Intentamos buscar solucións, pero precisamos financiamento e capacidade para actuar”.
López reivindicou, ademais, lealdade institucional. “Unha alcaldesa ou un alcalde non debería ter medo de quen goberna noutra institución. Debería poder chamar, explicar o que necesita o seu concello e ser escoitado. Non se pode atender máis a unha vila porque a súa alcaldesa pensa coma ti, nin deixar de escoitar a un alcalde porque pensa diferente. Quen paga esa diferenza de trato non é o cargo público: son as súas veciñas e veciños”, sinalou.
López contou que, da mesma forma que como alcaldesa escoita os veciños, como presidenta da Deputación está a recibir a todas as alcaldesas e alcaldes. “Iso foi noticia. E non pode ser noticia”, recalcou. O Plan Deputación responde a esa idea dixo: “fondos repartidos con criterios obxectivos para os 67 concellos e autonomía para que cada un decida as súas prioridades”.
Outra das cuestións polas que foron interpeladas as políticas foi como as institucións que dirixen afrontan os grandes retos da sociedade actual, como a vivenda, os coidados, o reto demográfico e a transición ecolóxica. “Os gobernos locais non somos espectadores dos grandes retos: vivímolos e tomamos decisións sobre eles cada día”.
Porén, os concellos teñen que ter “paraugas” e non poden seguir asumindo competencias sen recursos, recalcou. Ao contrario, amosouse partidaria de devolverlle as obrigas ás administración que as teñen, como fixeron este ano os concellos da Mariña -tras poñérense de acordo precisamente por iniciativa da alcaldesa burelá-, coa entrega do servizo de drogodependencias á Xunta. “Non hai profesionais no sistema sanitario e vounos ter eu”, apuntou.
López defende o traballo en rede dos concellos e a tecnoloxía como complemento das persoas
Por último, as relatoras deron a súa opinión sobre que cambios consideran necesarios para reforzar a capacidade transformadora dos gobernos locais e sobre como ven o municipalismo a dez anos. López defendeu a necesidade de traballar en rede, para aproveitar ideas e recursos. Defendeu, así mesmo, o uso das novas tecnoloxías, como a intelixencia artificial, que permite que os funcionarios estean máis liberados para atender as persoas. Citou como exemplo a centraliña de información telefónica con IA que está preparando no Concello de Burela e que quere instalar tamén na Deputación.
Houbo tempo tamén para falar do mellor e do peor do exercicio da política. “O peor son os insultos nas redes. Pero eu teño un método. Nunca respondo, e téñolle prohibido aos membros de goberno que respondan. E como en Burela nos coñecemos, cando atopo un deses haters pola rúa pídolle que me conte cal é o problema, en que non está de acordo”.
A alcaldesa burelá e presidenta da Deputación participou no peche dun foro que contou con Joan Subirats, catedrático emérito de Ciencia Política da Universidade Autónoma de Barcelona e exministro de Universidades; Carmen Navarro, da Universidade Autónoma de Madrid; Gemma Ubasart, da Universidad de Girona e exconselleira da Generalitat de Catalunya e Marta Cruells, especialista en xénero e políticas públicas, entre outros relatores.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
