Viveiro, 6 de outubro, 2026. O Grupo Municipal Socialista de Viveiro trasladou ao Goberno local diversas demandas relacionadas co mantemento urbano e co estado de varios viais do municipio. A formación vén observando que en distintos puntos de Viveiro existen sumidoiros e alcantarillas con acumulación de terra, follas e outros residuos, o que dificulta a correcta evacuación da auga. Segundo indican, veciños e veciñas de Lodeiro e Celeiro alertaron de que, en episodios de choiva intensa, algúns destes sumidoiros poderían chegar a desbordar ao non contar cun drenaxe axeitado.
Tendo en conta a proximidade do outono e do inverno, o Grupo Socialista solicita ao Goberno municipal que informe se está prevista unha campaña de revisión e limpeza dos sumidoiros e alcantarillas, tanto por parte do Concello como da empresa responsable do servizo de abastecemento e saneamento, co obxectivo de garantir o seu correcto funcionamento e evitar posibles inundacións na vía pública.
A formación lembra tamén que hai aproximadamente un ano presentou un rogo relativo á Rúa do Porto de Celeiro, solicitando xestións ante Portos de Galicia para completar o acondicionamento da zona, mantendo a continuidade dos materiais das beirarrúas. A pesar de que a iniciativa contou co apoio da Corporación, o Grupo Socialista afirma non ter recibido información sobre avances ou respostas por parte de Portos de Galicia. Por este motivo, pide ao Goberno municipal que aclare se se trasladou a petición, en que data, se houbo reunións ou contactos e cal é a situación actual desta demanda.
Así mesmo, o Grupo Municipal Socialista recolle unha demanda veciñal relacionada co estado dos viais entre Pallaregas e Vieiro. Lembran que, durante o anterior mandato socialista, se executou a mellora do vial entre o ponte de FEVE nas Congostras e o final da estrada principal das Pallaregas, e que tamén quedou licitada a actuación no barrio do Conexo e na rúa Santiago, recentemente rematada.
A formación considera necesario dar continuidade a estas melloras e abordar a actuación na pista que vai desde o ponte de FEVE nas Congostras ata O Pombal, en Vieiro, unha intervención que —aseguran— é demandada pola veciñanza. Ademais, sinalan o mal estado de varios viais que parten da estrada principal das Pallaregas e conectan coa estrada do cemiterio, que presentan deficiencias e precisan dunha intervención de conservación.
Por todo isto, o Grupo Socialista solicita ao Goberno municipal que informe se ten previsto acometer unha actuación integral na zona, incluíndo tanto a pista entre Congostras e O Pombal como os viais que conectan Pallaregas coa estrada do cemiterio, así como as previsións, proxectos ou partidas existentes e os prazos estimados para a súa execución.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
