Trabada, 20 de agosto de 2026. .O Concello de Trabada informa da posta a disposición da veciñanza de Vidal dun novo espazo de uso público, resultado do traballo conxunto desenvolvido entre veciños da parroquia, o Concello de Trabada e o equipo de limpeza da Deputación de Lugo.
A actuación permite que Vidal conte desde agora cunha zona acondicionada que poderá empregarse para diferentes necesidades da parroquia, especialmente como espazo de aparcadoiro durante a celebración de eventos, así como para outras actividades e iniciativas que se organicen no futuro.
O alcalde de Trabada, Rubén García, destaca especialmente a implicación da veciñanza para facer posible esta mellora e agradece o traballo de todas as persoas que colaboraron na actuación. Neste sentido, pon en valor de maneira particular a participación de Iago e Enrique, así como o labor desenvolvido polo persoal municipal e polo equipo de limpeza da Deputación de Lugo.
“Este novo espazo é un exemplo do que podemos conseguir cando existe colaboración entre a veciñanza e as administracións. Grazas á implicación de todas as partes conseguimos recuperar e acondicionar unha zona que desde agora queda ao servizo de Vidal e que será de utilidade tanto nas festas como noutras actividades que se desenvolvan na parroquia”, sinala o rexedor.
A estrea deste espazo coincide ademais cunha fin de semana especial para Vidal, que este sábado, 22 de agosto, celebra as súas Festas de San Bartolomé.
A programación comezará ás 13:00 horas coa misa solemne. A partir das 14:00 horas terá lugar a sesión vermú, amenizada polo Grupo Antha. Xa pola tarde-noite, ás 19:30 horas, celebrarase a verbena coa actuación do Dúo Sensaciones e o Grupo Antha.
Desde o Concello de Trabada convidan á veciñanza do municipio e das localidades da contorna a achegarse a Vidal e participar nunha xornada festiva que servirá tamén para desfrutar das melloras realizadas na parroquia.
O Concello agradece novamente a colaboración e implicación da veciñanza e das persoas e equipos que participaron nos traballos, unha cooperación que permite seguir mellorando os espazos das parroquias e poñelos ao servizo da cidadanía.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
